26 апр 2017 11:47Тоҷикистон / Дидгоҳи хос / Тема дня

Зуҳуров: Коррупсионерҳо дер ё зуд ошкор мешаванд

Маҷлиси намояндагони Тоҷикистон имрӯз, 26-уми апрел тағйиру иловаҳо ба қонун “Дар бораи мубориза бо коррупсия” –ро қабул намуд.

Сулаймон Султонзода, директори Оҷонсии назорати молиявӣ ва мубориза бо фасоди Тоҷикистон зимни муаррифии лоиҳа гуфт, бар асоси тағйироти нав хавфҳою омилҳои коррупсионӣ дар ниҳодҳои ҳукуматӣ таҳлил карда мешаванд ва ба ҳукумат пешниҳод мегарданд. Ба гуфтаи ӯ методологияи иҷроишу бартарафкунии омилҳоро ҳукумат муайян мекунад.

Шукурҷон Зуҳуров, раиси Маҷлиси намояндагони Тоҷикистон аз тағйироти мазкур истиқбол намуда, гуфт, муқаррароти нав барои таҳлили хавфу омилҳои коррупсионӣ роҳ мекушояд. Зуҳуров аз он интиқод намуд, ки имрӯз бархе аз муборизон бо коррупсия худашон даст ба фасод мезананд. Ӯ таъкид намуд, ки касе ба коррупсия даст мезанад, имрӯз ё фардо, дер ё зуд аёну ошкор мешавад.

Раиси Маҷлиси намояндагон дар хитоб ба раиси Оҷонсии зидди фасод афзуд, имрӯз, сатҳи коррупсия дар баъзе кишварҳо аз ҷумла дар Тоҷикистон баланд аст ва мою шумо бояд коре кунем, ки фаъолияти Агентӣ дар мубориза бо фасод беҳтар карда шавад.

Мӯҳр

Хабарҳои монанд:

Содик

Агар корупсионерон заррае робитаи хешутабори дошта бошанд дар ин солхои наздик ошкор намешаванд. Дар айни замон барои дуздон бунйоди ресторан муд шудааст.

Ҷавоб диҳед Иқтибос Шикоят

Криша

Мо хама Рудакием ба чашмамон милк задаги, хеччиро нахохем дид икдом ки аз хукуматшуд шердил мешавем Бале бале мегуем Коррупсионер кист касе ба чох галтад? Дигарон тозаю озода ва насихатгари чомеа...то расидани табар

Ҷавоб диҳед Иқтибос Шикоят

Ромиз

Оре, дер ё зуд дастгир мешаванд. Рафту нашуданд хам азояшонро аз Худованд хоханд гирифт ва азоби оноро фарзандонашон хоханд кашид. Лекин ин чавоб ва боиси тасалло буда наметавонад. Холи мардум ва давлатдори чи мешавад? Магар Давлати Сомониён. СССР - ро хамин фасод, ёру ошнобози, хешу таборчиги дар мачмуъ хиёнат бархам назад? Дастгир шуданашонро ку не, лекин худо заданашонро аник хама медонад. Агар пушт гушна гузашта бошад, руидаи хамон пушт сери нахохад дошт. Фасодзадаги аз фасодзодаги бармеояд. Фахмидани он ки мансабдор фасодкор аст ё не, мушкил нест. Худашон бо ахлу авлодашон мана мо гуфта гаштаанд. Ё фикр мекунед, ки бо хамин 6 - 7 нафар фасодкорон тамом шуданд? Фасод бояд як рукни моддаи хиёнат ба Ватан хисобида шавад."Камера" -и Худоро вайрон карда намешавад.

Ҷавоб диҳед Иқтибос Шикоят

Эзоҳ илова кунед