26 апр 2017 10:48Тоҷикистон / Дин ва зиндагӣ / Рӯ ба рӯ / Тема дня

Мақоми дувуми қории тоҷик дар озмуни ҳофизони Қуръони Миср (ВИДЕО)

Айёмиддини Фахриддин, фарзанди як хонаводаи муҳоҷири тоҷик, ки дар Русия зиндагӣ мекунад, дар 24-умин озмуни байналмилалии ҳофизони Қуръон дар Қоҳираи Миср мақоми дуввумро соҳиб шудааст.

Дафтари матбуоти Шӯрои уламои Русия мегӯяд, Айёмиддини Фахриддин ягона намояндаи Русия дар ин озмуни бонуфуз будааст. Торнамои расмии ин ниҳод дар идома менависад: “Мо Айёмиддинро барои ин дастовард табрик менамоем ва Худоро шукр мегӯем, ки ин хабар мусалмонони Русияро хурсанд намуд”.

Ба иттилои манбаъ, дар ин озмун намояндаҳои 40 кишвари ҷаҳон ширкат кардаанд.

Айёмиддини Фахриддин аз 6 солагӣ ба ҳифзи Қуръони Карим оғоз карда, давоми 4 сол онро пурра аз бар намудааст. Ҳоло 15 сол дорад ва то имрӯз дар озмунҳои қориёни Қуръон дар Судон, Қувайт, Аморати муттаҳаидаи Араб иштирок намудааст.

Ба иттилои дафтари матбуоти Шӯрои уламои Русия, маросими қадрдонии ҳофизони Қуръон моҳи Рамазон бо иштироки Абду Фаттоҳ Ас-Сисӣ, раисҷумҳури Миср доир мегардад.

Номи Айёмиддини Фахриддин, қории навраси тоҷик замоне расонаӣ шуд, ки навори имтиҳон ва санҷиши ӯ дар як шабакаи телевизионии арабӣ дар шабакаҳои иҷтимоӣ беш аз 4 миилион тамошобин пайдо кард. Ин навор бо номи “Ин тифл, бидуни баҳс муъҷизаи асри мост” (бо забони арабӣ) аз сӯи Муҳаммад абу Халифа, як корбар аз Урдун гузошта шудааст.

ОН НАВОР ИНҶОСТ:

Айёмиддини Фахриддин бо ин ки қории мураттаби Қуръон аст, вижагиҳои дигаре низ дорад. Ӯ тамоми саҳафоти Қуръонро бо матнҳояшон ҳифз кардааст ва ҳангоме аз вай пурсида шавад, ки дар фалон саҳифаи ин китоби муқаддас кадом оя ва кадом сура аст, бидуни мушкил ҷавоб медиҳад. Ва ё агар ояе гуфта шавад, бидуни ин ки ба кадом китобе назар андозад, рақами оя ва рақами саҳфаи Қуръонро номбар мекунад.

Мӯҳр

Хабарҳои монанд:

Капр

Падараш Хочи Курбонали аст.

Ҷавоб диҳед Иқтибос Шикоят

martin

Худованд умрта садсола бгардонад ))

Ҷавоб диҳед Иқтибос Шикоят

Муслим

новобаста ба он ки у шахрванди Точикистон аст, имруз фахри тамоми мусалмонхои дунё шудааст. ин бо мехрубонии Худоварн далели равшан барои хак будани дини мубини Ислом аст. кироати ин кории мухтарами мо оромиши калби мо мусалмонон ва хори чашми яхуду насоро аст.

Ҷавоб диҳед Иқтибос Шикоят

Jovid

Баракаллох бародари азиз. Худо нигахбонат бошад.

Ҷавоб диҳед Иқтибос Шикоят

Султоншох

Ин бори дигар исботи он аст,ки Худованд паёмбари исломро аз араб фиристод ва илми исломро ба точикон мисли Бухори, Имоми Аъзам, Салмони Форс, Муслим, ибни Моча ва гайраву хоказохо дод.
Ин додар вокеан ифтихори миллати точик аст! Худованд баракату тавфик ва саодати дуневу охиратро ба Шумо ва волидайнат насиб гардонад! Омин

Ҷавоб диҳед Иқтибос Шикоят

Nabi farhor

Аҳсан қори ба шумо.
Худо тансиҳат ва хона обод бошед фахри миллати тоҷик ва мусалмонон и ҷаҳон .

Ҷавоб диҳед Иқтибос Шикоят

Аҳмад

Млшоаллоҳ бародар мо мусалмонон тҷк бо шумо мефахрем Капр,

Ҷавоб диҳед Иқтибос Шикоят

Амина евро

Чаро фарзандони хаминтари нестай

Ҷавоб диҳед Иқтибос Шикоят

мухаммад

Бовар кунед бародарони азиз. Ман ончунон хурсанд шудам, ки тамоми умр ин кадар шоди накарда будам. Як писараки 15-солаи точик тамоми олами исломро бо хондани сурахои куръони карим ба вачх овардааст. Яъне мо точикон миллати кадимтарини руи замин метавонем бо хунару дониши волои худ чахонро муттаассир намоем. Фаркаш нест ин кудак аз кадом минтакаи Точикистон аст. Мухимаш у точик асту номи Точикистонро дар байни 40-кишвари исломии дунё баланд бардошт.
Имсол соли чавонон аст. Ана хамин хел чавонони мо бояд бо илму дониши худ рохро ба суи камолот кушоянд.
Ташаккур бори дигар ба ин чавоне ки худро курбони илм кардааст.

Ҷавоб диҳед Иқтибос Шикоят

muhib

Салом ба хама хонандагон ман гуфтаниям, ки Аёмдинчон Худованд шуморо дар ин дунё ва дар охират нигахбон бошад. чи дастоварди бузурге ин ифтихори мост ва тамоми милати Точикистон сарбаланд боши хамеша.

Ҷавоб диҳед Иқтибос Шикоят

Сафар

Офарин! Обурӯи миллати тоҷикро баланд бардоштааст.

Ҷавоб диҳед Иқтибос Шикоят

Эзоҳ илова кунед