25 апр 2017 16:13Оcиёи Марказӣ / Тоҷикистон

Созиш барои вуруди 2 ҳазор “таксӣ”-и нав аз Қазоқистон

"Холдинг Азия Групп Тоҷикистон" барои вуруди 2 ҳазор атомобил бо ширкати қазоқии "СарыаркаАвтоПром" созиш кардааст.

Тибқи иттилои расонаҳои Қазоқистон маблағи шартнома 24 миллион долларро ташкил медиҳад: “Дар доираи созишнома ширкати қазоқӣ ба Тоҷикистон 1500 автомобили тамғаи Peugeot 301 ва 500 адад тамғаи JAC S3-ро ворид хоҳад кард”.

Манбаъ афзуд, ки дар назар аст, мошинҳои мазкур барои мусофирбарӣ дар Тоҷикистон равона шаванд. Расонаҳои қазоқӣ навиштаанд, дар маросими имзои созишнома намояндаҳои ҳукумат, аз ҷумла Саидзода Қурбон, муовини шаҳрдори Душанбе оид ба масъалаҳои нақлиёт низ ҳузур доштааст.

Дар назар аст, ки автомобилҳо барои навсозии парки таксиҳои Душанбе харидорӣ мешаванд.

Мӯҳр

Хабарҳои монанд:

Беном

Таксистони пешин аз кучо нон мейобанд ба фарзандонашон огои шахрдор.

Ҷавоб диҳед Иқтибос Шикоят

Бегом

Мардуми бечора аз кучо шароити такси савор шуданро дорад? Ба чои кам кардани наклиет ва пешгирии танбашави ( пробка) дар рох, боз шумораи наклиетро зиед карда истодаанд. Сарфи бехудаи маблаг осон аст, аммо чамъ кардани он мушкил... Бо Овардани 40 автобус наклеити чамъияти халли худро ефт магар, ки боз аз паи овардани такси шудед????

Ҷавоб диҳед Иқтибос Шикоят

Хуршед

Дарего, ки 24 миллион доллар бархадар ба берун меравад! Маслихат ин аст, ки модоме фаъолияти таксихои хусуси дар шахри Душанбе махдуд карда мешавад, онхоро аз сохибонашон бо нархи дастрас бихаранд ва таъмири хуб карда, ба хатсайрхо бароранд. бад-ин васила ин мошинхо дар хавлихо бекор намехобанд, инчунин бо пули онхо ронандахо ягон мушкили худро хал мекунанд. Ва 24 миллион доллар дар дохили кишвар гардиш хурда, каме хам бошад, бозори пулии моро аз касоди хифз хохад кард.

Ҷавоб диҳед Иқтибос Шикоят

Эзоҳ илова кунед