20 апр 2017 14:56Тоҷикистон / Ҳуқуқи инсон

Озмуни IWPR барои инъикоси масоили ифротгароӣ, ҳуқуқи инсон ва озодиҳои динӣ

Намояндагии созмони байналмилалии “Институти инъикоси ҷанг ва сулҳ” (IWPR) дар Тоҷикистон барои иштирокчиёни тренинги “Стандартҳои байналхалқии инъикоси масоили ифротгароӣ, ҳуқуқи инсон ва озодиҳои динӣ дар Тоҷикистон” озмун эълон менамояд.

Маводҳои ба озмун пешниҳодшаванда бояд дар доираи меъёрҳои байналхалқии журналистика таҳия шуда, ҳамчуниннишонаи истифода шудани барномаҳои смартфонҳоро дарбар гиранд.Иштирокчиёни озмун метавонанд бо забонҳои тоҷикию русӣ маводротаҳия намоянд. Ба озмун танҳо ҳамон маводҳое қабул карда мешаванд, ки аз моҳи январи соли 2017 то 30 ноябри соли ҷорӣ нашр гардидаанд.

Шартҳои озмун:
- мавод бояд дар мавзӯи ифротгароӣ, ҳуқуқи инсон ва озодиҳои динӣ дар Тоҷикистонтаҳия ва нашр шавад;
- мавод бояд ба талаботи журналистикаи байналхалқӣ (инъикоси воқеъбинона, дақиқ, беғаразона ва бо риояи мувозинат дар пешниҳоди ақидаи ҷонибҳо...) ҷавобгӯ бошад;
- журналист метавонад маводи таҳиякардаашро дар ВАО-е, ки дар он кор мекунад, нашр кунад, вале ӯ ин маводро ҳатман ба ҳамоҳангсози барнома Гулафшон Соқиева барои бознашр дар саҳифаи фейсбукии “Журналистони Тоҷикистон муқобили терроризм” https://www.facebook.com/groups/923055074461692/ба почтаи электронии дафтари IWPR дар Тоҷикистон iwpr.tajikistan@iwpr.netфиристад;
- ҳангоми таҳия намудани мавод журналист аз воситаҳои муосири иттилоотӣ – коммуникатсионӣ ба хотири гирифтани акс, навор ва сабти садо ҳатман истифода намояд;
- мавод бояд дар шакли мақолаи таҳлилӣ, гузориш, гузориши видеоӣ, мусоҳиба пешниҳод гардад.

Дар озмун ба маводҳое, ки муҳтавои таҳлилӣ доранд ва аз имкониятҳои смартфонҳо истифода шудааст, афзалият дода мешавад.

Барои беҳтарин инъикосгарони мавзӯъ се ҷоиза муайян карда шудаанд:

- Барои ҷои аввал – 500 доллари амрикоӣ;
- Барои ҷои дуввум – 400 доллари амрикоӣ;
- Барои ҷои сеюм – 300 доллари амрикоӣ;

Озмун то 01декабри соли 2017 идома ёфта, аз ҷониби ҳакамони беғараз ҷамбаст карда мешавад.
Барои маълумоти бештар лутфан ба намояндагии IWPR дар Тоҷикистон бо нишонии ш. Душанбе, куч. М. Турсунзода, 45, Маркази савдои «Пойтахт», ошёнаи 5, утоқи 516 муроҷиат намоед. Телефонҳо барои тамос: (+992 44) 640 10 11; 640 10 12;640 10 13 .

Мӯҳр

Хабарҳои монанд: