13 апр 2017 11:11Тоҷикистон / Дасти хайр / Иҷтимоӣ / Рӯ ба рӯ / Тема дня

Муроҷиати як модар: Ёрӣ диҳед, то фарзандам аз мактаб намонад

Як сокини шаҳри Душанбе аз сокинони саховатманди кишвар хоҳиш дорад, ба қадри имкон барои пешбурди зиндагиаш ба ӯ ёрӣ бидиҳанд.

Гулсара Қосимова, сокини ноҳияи Синои пойтахт мегӯяд, як сол қабл шавҳараш дар пайи бемории тӯлонӣ даргузашт ва ҳоло бо се тифли ноболиғ танҳо мондааст. Хонум Қосимова, ки ба дафтари “Озодагон” омад, изҳор дошт, шавҳараш ба бемории дилу гурда мубтало буд ва дар 37-солагӣ вафот кард: “Як гyрдааш хушк шуда, гурдаи дигараш бо тавоноии 20 дарсад кор мекард. Бародараш розӣ шуд, ки як гурдаашро ба шавҳарам бидиҳад, аммо ин кумак накард”.

Вай гуфт, тамоми дороиҳояшро барои табобат ва ҷарроҳии шавҳараш харҷ намуданд, вале баъди чанд моҳ вай даргузашт: “Қарздор ҳам шудем, ҳоло намедонам, фарзандонро чӣ хел ба воя бирасонам. Ба кумаку дастгирии ҳамватанони саховатманд ниёз дорам. Барои мани танҳою
бесарпаноҳ ёрии худро дареғ надоред”.

Ба гуфтаи Гулсара Қосимова бо маблағи ҷамъшуда мехоҳад масрафоти таҳсили фарзандашро пардозад ва инчунин дар назди манзилаш як мизи фурӯши маводи ғизоӣ боз кунад, то дар оянда тавонад мустақилона рӯзгорашро пеш барад.

ШУМОРАИ ТАМОС БАРОИ ЁРӢ БА ИН МОДАРИ ТАНҲО: 900 80 25 04, 915 23 19 32

Мӯҳр

Хабарҳои монанд:

Юсуф

Аллоҳ ба он хоҳар кӯмак кунад. Дигар сарфу харҷро як сӯ гузоред, масрафи худи мактабҳо як балои азим шудааст. Вазиру вазорат як чиз мегӯянд, мактабҳо дигар чиз. Гӯё барои онҳо вазир вуҷуд надорад. Ҳамин чанд рӯз пеш интервюи вазир Нуриддин Саидов дар Озодагон чоп шуда буд. Ӯ қайд карда буд, ки ҳар гуна пули ремонти мактабу дигар намуди маблағҳо ҷамъ кардан қатъиян манъ аст. Вале дирӯз духтарчаи синфи 6 ман (литсеи 55 Душанбе) омада, мегӯяд "муаллима гуфт фонди синфа 10 сомонӣ биёред." Аз ин рӯ мушкилоти он хонумро мефаҳмам. Аслан, барои кӯмаки ин гӯна оилаҳо бояд давлат як барномаи махсус дошта бошад. Зеро шахсони алоҳида ин ҳолро зуд фаромӯш мекунанд.

Ҷавоб диҳед Иқтибос Шикоят

Берти

Ахволи модари точикро бубинен огои президент. Мисли ин модар хазоронанд.

Ҷавоб диҳед Иқтибос Шикоят

АМ

Кумак расонидан ба шахси ниёзманд беҳтарин савоб мешавад

Ҷавоб диҳед Иқтибос Шикоят

Дарвеш

Э Худованди бузург кош маблаге медоштам хочатхои ин Модарро бароварда мекардам кучоед мардони бо нангу номуси Ислом....

Ҷавоб диҳед Иқтибос Шикоят

Эзоҳ илова кунед