08 апр 2017 10:13Тоҷикистон / Рӯ ба рӯ / Тема дня

ВКД: Иҷро накардани вазифаи касбии табиб сабаби марги ноболиғ шуд

Вазорати умури дохилии Тоҷикистон аз боздошти як табиб хабар дод, ки дар пайи “хунукназарӣ”-аш ноболиғи 2-сола ба ҳалокат расидааст.

Торнамои расмии ин ниҳод менависад, ин табиби 42-cола рӯзи 12 марти соли равон вақте дар шӯъбаи қабули яке аз беморхонаҳои кӯдаконаи вилояти Суғд навбатдор будааст, як духтарчаи 2-солаи сокини ноҳияи Бобоҷон Ғафуровро наздаш меоранд. Ҳангоми муоинаи тиббӣ духтур муайян кардааст, ки ноболиғ гирифтори бемории илтихоби шадиди шушҳо бо варамии майнаи сар мебошад: “Духтур воқеан муҳтоҷи табобат будани беморро фаҳмида, ба иҷрои вазифаҳои худ бепарвоёна ва беинсофона рафтор намудааст. Бар хилофи тартиби муайянгардидаи соҳавӣ, барои бистарӣ намудани хурдсол чора наандешидааст”.

Манбаъ мегӯяд, дар натиҷа духтарчаи хурдсол, бинобар сари вақт табобати зарурӣ нагирифтан 14 март вафот кардааст. “Табиб бо гумони иҷро накардани вазифаҳои базиммадоштааш дастгир шуда, нисбати вай парвандаи ҷиноятӣ оғоз шудааст”.

Мӯҳр

Хабарҳои монанд:

Точ

Пул надорад табобат намекунанд.Одаму одамгари намондааст—афсус, йо ин ки таъсири демократия аст.

Ҷавоб диҳед Иқтибос Шикоят

бемор

одамгари намондаст,худованд ч,азота дих,ад...

Ҷавоб диҳед Иқтибос Шикоят

Гариб

Точ,
Ба сарлавха не, ба худи матн диккат дихед. Дар матн омадааст, ба ГУМОНИ ичро накардини вазифаи касбиаш...
То он замоне ки аз тарфи ПИЗИШКИ КОНУНИ (гурухи табибон, ки барои баррасии парвандахои марбут ба доираи кории пизишкон ва фаъолияти дармони аз тарафи макомоти дахлдор ташкил дода шудааст), гунохи ин духтур собит нашавад, у гунахгор НЕСТ!!!

Шумо аз захмати пизишк, аз ранчхояш ва аз шароити зиндагияш чи медонед, ки санги маломат мезанед?! Имруз камтарин маошро дар чомеаи мо, духтур ва муаллим мегирад. Духтуре ки наздик ба 10 соли умрашро сарфи илмомузи мекунад ва сохиби касби пурхатар ва бо мизони хатои боло мешавад. (high risk & high error rate)
Дар холе ки касбхои дигар бо соли тахсилии камтар ва мизони хатари камтар, сохиби маошхои болотаранд...

Касди пешдовариро надорам, вале дар ин хабар, пизишкро дар ташхисаш НЕ, балки дар бистари накардани бемор, айбдор мекунад. Аз кавонини бемористонхои Точикистон огохии комилро надорам, лек дар он чое ки ман зиндаги ва фаъолият мекунам, кори як духтур ташхис ва додани номаи бистари ба кабулгохи бемористон аст. Кабулу бистари кардан тибки конунхои бемористон сурат мегираду иртиботи мустаким бо пизишк надорад, масалан мумкин аст, бахси моли барои бистари шудан ба вучуд биёяд, ки дар ин маврид бо раёсати бемористон мавриди бахс карор медиханд, на бо пизишк. Боварнокарданист, ки пизишк сахтарин кисмати кор, яъне ташхисро дуруст дода бошаду дар идома сахлангори карда бошад. Шояд шояд шояд кавонини он бемористон далели асли бошад?!

Ҷавоб диҳед Иқтибос Шикоят

Эзоҳ илова кунед