05 апр 2017 12:01Тоҷикистон / Иҷтимоӣ

Интиқоди Эътилоф аз дағалии милисаҳо ва дархост аз ҷабрдидаҳо

Эътилофи ҷомеаи шаҳрвандии зидди шиканҷаи Тоҷикистон аз пароканда кардани иштирокдорону меҳмонони намоишгоҳи таҳсил дар Душанбе изҳори нигаронӣ кардааст.

Эътилоф бо такя ба иттилои Манзура Ҷӯраева, масъули “Мултикид”, созмони баргузоркунандаи намоишгоҳи таҳсил дар хориҷа, изҳор доштааст, ки намояндагони милиса хеле дағалона иштирокдоронро пароканда карда, аксу наворҳоро нобуд намудаанд.

Эътилоф дар хитоб ба шоҳидон ва ҷабрдидаҳо изҳор доштааст, тавассути шумораҳои 98 708 76 76 ва 98 787 66 66 муроҷиат намоянд, то нақзи ҳуқуқи иштирокдорони намоишгоҳ аз сӯи кормандони мақомот ҳуҷҷатгузорӣ шавад.

Намоишгоҳи мазкур 1-2 апрел дар ошёнаи дуюми бинои “Душанбе Плаза” дар назар буд. Дар пайи пароканда кардани намоишгоҳ Вазорати маориф ва илм изҳор дошт, “Мултикид” бидуни иҷозатнома ин иқдомро пеш гирифтааст. Вазорати умури дохилии Тоҷикистон низ аз амали маъмурини милиса ҳимоят карда, гуфт, онҳо қонуншикание накардаанд.

Мӯҳр

Хабарҳои монанд:

Беном

Ин Манзура Чураева гузаронд-ку!!!! Чаро бо Вазорат ин масъаларо хал накард? Бигузор нисбати у барои написандиаш нисбати Вазорати Маориф ва худсарона гузаронидани чунин маъракахо чорахои катъи андешида шавад!!!!

Ҷавоб диҳед Иқтибос Шикоят

Виркан

Ба фикрам ба наздики аз мухтарам вазири маориф ичозат мегирам, ки кадом китобро кай ва дар кучо хонам ва аз он кадом маъниро бардораму кадом маъниро на. Ин чи гуна кору бор аст, кани арзишхои озодиву демократи. Охир мултикид дар кайди вазорати адлия хаст ва барои фаъолияти самти маориф ичозат дорад, хамон ичозатнома кофи аст, бовар кунед садяки ин гуна бюрократизм дар замони шурави набуд.

Ҷавоб диҳед Иқтибос Шикоят

Берти

Вазирон намехоханд чаавонон босавод шаванд аз бизнес мемонанд ва аз чои кор ронда мешаванд.

Ҷавоб диҳед Иқтибос Шикоят

Эзоҳ илова кунед