04 апр 2017 13:18Тоҷикистон / Иқтисодӣ / Рӯ ба рӯ / Тема дня

Душанбе: Русия 63%-и бозорро гирифта, боз бештар мехоҳад

Вазорати нақлиёти Тоҷикистон дар робита ба манъи парвозҳои ширкати ҳавопаймоии “Сомон Эйр” ба Маскав ва ба тавофуқ нарасидани ҷонибҳо барои парвозҳои ширкати ҳавоии русии “Ямал” ба Тоҷикистон изҳорот нашр кардааст.

Дар баёнияи вазорат, ки имрӯз, 4 апрел пахш гардидааст, яке аз далелҳои ба тавофуқ нарасидани ҷонибҳо, нобаробарии парвозҳо миёни ширкатҳои ҳавопаймоии ду кишвар арзёбӣ шудааст.

Вазорати нақлиёти Тоҷикистон мегӯяд, тибқи созшномаи байниҳукуматии Тоҷикистону Русия парвози ҳавопаймоҳои ду кишвар ба қаламрави ҳамдигар бояд бар асоси баробарӣ ё “паритет амалӣ гардад. Ба иттилои ин ниҳод феълан хилофи баробарӣ бештари парвозҳоро ширкатҳои русӣ анҷом медиҳанд ва илова ба ин Русия боз талаб кардааст, ки “Ямал” ҳафтае 7 маротиба ба Душанбею Хуҷанд парвоз анҷом диҳад: “Ин дар ҳолест, ки ширкатҳои ҳавоии Русия ба фурудгоҳҳои Тоҷикистон дар ду моҳи охир 496 парвоз анҷом додаанд, вале аз ҷониби ширкатҳои ҳавоии Тоҷикистон ба шаҳрҳои Русия танҳо 295 парвоз сурат гирифтааст”.

Вазорати нақлиёти Тоҷикистон дар робита ба парвозҳои “Ямал” гуфтааст, ба Русия пешниҳод кардаанд, то “Ямал” ҳафтае ду парвоз ба шаҳрҳои Қӯрғонтеппа ва Кӯлоб анҷом диҳад, аммо “Ямал” қабул накардааст.

Манбаъ афзуд, баъдан пешниҳод кардаанд, ки ширкати ҳавоии “Ямал” ҳафтае ду парвоз ба шаҳрҳои Душанбе ва Хуҷанд анҷом диҳад, ки ин пешниҳодро ҳам напазируфтааст.

Ба иттилои мақомоти тоҷик “Ямал” мехоҳад ба шаҳрҳҳои Душанбе ва Хуҷанд ҳафтае на 2 парвоз, балки 7 парвоз анҷом диҳад, ки боиси норозигии мақомоти Тоҷикистон шудаст.

Дар посух мақомоти Русия аз 3 апрел парвозҳои ширкати "Сомон Эйр"-ро аз шаҳрҳои Душанбе ва Хуҷанд ба Маскав маҳдуд карда ва то ҳол ин қазия ҳалли худро наёфтааст.

Мӯҳр

Хабарҳои монанд:

Бигзор 100% бозорро бигирад. Мухим он аст, ки нархи билет арзон шавад.

Ҷавоб диҳед Иқтибос Шикоят

Юсуф

Маскав дар муносибат бо Вашингтон паритетро вайрон мнкунад. Чӣ бирасад Тоҷикистони хурдакаки беҷон! Агар садо баландтар мекунед таҳти шантаж ва тӯҳматҳо қарор мегиред. Ҳоло мебинед, амали террористӣ дар метрои С.Петербургро ба гардани шаҳрванди Тоҷикистон зада, куштору шиканҷаву депорти тоҷиконро сар мекунанд.

Ҷавоб диҳед Иқтибос Шикоят

Сухроб

Билета арзон кунен, "доля рынка"-атон зиёд шавад.
Мо "патриот"-ем, локин пули кисамон барои хариди билетҳои нархашон миёншикан камтар ҳаст,

Ҷавоб диҳед Иқтибос Шикоят

Benom

Бигузор Россия 100 фоизи бозорро гирад, ин ба фоидаи халки бечора аст, зеро мардум аз он ширкате чипта мехаранд, ки арзон бошад. Рохбарони ширкати Сомон Эйр фикри халкро намекунанд, факат фикри кисаашонро. Пас монед, Россия кор кунанд, ин "акахо"-и мо рохи хавоиро низ мисли iRS кардаанд.

Ҷавоб диҳед Иқтибос Шикоят

гастарбайтер

ракобати солим кардан даркор,э чи бугум...

Ҷавоб диҳед Иқтибос Шикоят

чоркух

руссхо фоидаро диданд.билети Душанбе-Москва бештари вакт аз билети МОСКВА-ВАШИНГТОН киматтар аст!!! РАСХОДИ КАМТАРИН ФОИДАИ КАЛОНТАРИН!!!!...ИНСОФ НЕСТ! РАХМ НЕСТ! ВИЧДОН НЕСТ!.

Ҷавоб диҳед Иқтибос Шикоят

Кулоби

Ман мухочир хастам набояд Пеши Ин тоссархо сар фаровард . Ва дигар давладмардони точик мардумро сохиби кунед вагарна ФСБИ Руссия ба хама кор кодир аст ва дида истед Моро низ мисли Белорус карда мардумро ба шур меоранд

Ҷавоб диҳед Иқтибос Шикоят

Гарми

Тарафдори русхо ва арзонии билет

Ҷавоб диҳед Иқтибос Шикоят

Точик

Барои як ширкати хусуси шуда мардумро азоб надихед. Сомонэйр ин ширкати хусуси аст, бигузор худаш масъалаашро бинад. Аз барои ин ширкат хозир бо 200 хазор точикро депорт мекунан.

Ҷавоб диҳед Иқтибос Шикоят

Эзоҳ илова кунед