29 мар 2017 15:06Тоҷикистон / Иқтисодӣ / Рӯ ба рӯ / Тема дня

Омӯзгорони Ҳисор: Ду моҳ шуд музди меҳнати худро нагирифтаем

Бархе аз омӯзгорони макотиби миёнаи ноҳияи Ҳисор мегӯянд, ду моҳ мешавад, ки маоши худро нагирифтаанд.

Муаллимони муассисаҳои таълимии №77-и деҳаи Алмосӣ ва №35-и ҷамоати Навободи ноҳияи Ҳисор гуфтанд, инак моҳи дувум аст, ҳақмузди худро дарёфт накардаанд. Яке аз ин омӯзгорон дар суҳбати телефонӣ ба “Озодагон” гуфт, раҳбарияти таълимгоҳ далели пардохт нашудани маошҳоро дар набудани маблағ рабт медиҳанд: “Пештар сари вақт маоши худро дастрас мекардем, аммо давоми ду моҳ аст, ки наметавонем музди меҳнатамонро бигирем”.

Як муаллими дигар гуфт, ҳар бор ки дар бораи маош суол мекунанд, ҷавоб мегиранд, ки “ба наздикӣ мегузарад”. Вай афзуд: “Охирин маротиба гуфтанд, ки то охири моҳи март маошҳоятон мегузарад. Вале пагоҳ 30 март асту ҳанӯз маоши худро нагирифтаем”.

Қувват Саъдуллоев, иҷрокунандаи роҳбари Шӯъбаи молияи ноҳияи Ҳисор имрӯз, 29 март дар суҳбат ба “Озодагон” мушкили музди меҳнати омӯзгоронро тасдиқ намуд. Ӯ далели ин мушкилро ба иҷро нагардидани буҷаи ноҳия рабт дод: “Дуруст аст, ки дар моҳи декабр чунин қарздориҳо аз ҳисоби иҷро нашудани қисми буҷети ноҳия ба миён омада буд. Буҷаи ноҳия дар ҳаҷми 10 миллиону 700 ҳазор сомонӣ иҷро нашуда буд”.

Ба гуфтаи ҷаноби Саъдуллоев, ҳоло омӯзгорони ноҳияи Ҳисор музди меҳнати моҳи февралро дастрас карда истодаанд ва пас аз 5-уми апрел моши моҳи мартро низ хоҳанд гирифт: “Мо қарздории ҳисоб надорем, зеро як моҳа қарздорӣ ҳисоб намешавад. Ва қарздориро мо ба ҳукумати кишвар пешниҳод кардем. Аз Вазорати маориф ва илми кишвар низ мактуб карда буданд, мо ҷавоб гардонидем, ки ин мушкилӣ бартараф карда шуд”.

Қаблан омӯзгорони макотиби Ваҳдат, Кӯлоб, Зафаробод низ аз нагирифтани музди меҳнати худ шикоят карда буданд.

Мӯҳр

Хабарҳои монанд:

беном

мухтарам озодагон бо фармони пешвои миллат нохияи Хисор ба шахри Хисор табдилёфта шудаги хатогихоро ислох бояд кард

Ҷавоб диҳед Иқтибос Шикоят

Парвиз

Беном ақлакӣ макун! Ноҳияи Ҳисор ҳануз ҳаст маркази ноҳия шаҳри Ҳисор шудааст.

Ҷавоб диҳед Иқтибос Шикоят

алибой

Ин чи гуна шахр аст ки ягона светофори дар маркази ба ном шахр будааш солиен боз кор намекунад ва ин боиси хамаруза сарзании садамахои автомобили гаштааст

Ҷавоб диҳед Иқтибос Шикоят

Ҳисор

1. Ҳисор ноҳия не балки шаҳр аст;
2. Шуъбаи молия не балки Раёсати молия аст;

Ҷавоб диҳед Иқтибос Шикоят

Алик

Озодагон ту ба фикрам озод нести зеро навиштахои манро ки хакикати холанд чоп накарди Барои хамин хам туро мебояд ивази ном кард Масалан ДАРБАНДБУДАГОН Зеро агар ягон таьрифнома менавиштам зуд чоп мекарди

Ҷавоб диҳед Иқтибос Шикоят

сайид

Хисор нохия аст е шахр шумо да фаркаш чи гап дар сари номи хисор намера ку

Ҷавоб диҳед Иқтибос Шикоят

Эзоҳ илова кунед