09 мар 2017 12:15Тоҷикистон / Иҷтимоӣ

Сокини Қубодиён барои доштани “китобҳои динии шубҳанок” дастгир шудааст (АКС)

Мақомоти гумруки Тоҷикистон мегӯяд, аз талоши вуруди “китобҳои динии шубҳанок” аз қаламрави Ҷумҳурии Исломии Афғонистон ба кишвар ҷилавгирӣ кардааст.

Бино ба иттилои дафтари матбуоти ин ниҳод, кормандони гумруки “Панҷи-Поён” як сокини ноҳияи Қубодиёни вилояти Хатлонро бо гумони дар бағоҷи дастии худ доштани китобҳои динии шубҳанок боздошт кардааст: “Ҳ.А. дар дохили борхалтаи худ 4 адад китобҳои динӣ, аз ҷумла “Куллиёти Канзулҳусайн”, “Тадбири хоб”, “Тасвири Шиаи Исмоилия” ва “Бӯстони Саъдӣ”-ро мехост бидуни иҷозатномаи махсуси Вазорати фарҳанг ба Ҷумҳурии Тоҷикистон интиқол диҳад”.

Ба омори Хадамоти гумрук, аз соли 2012 то 2016 кормандони ин ниҳод дар пайи анҷом додани чор амалиёт “оид ба таъмини бехатарии идеологии кишвар, иҷрои талаботи супориши Ҳукумати Ҷумҳурии Тоҷикистон аз 22-юми январи соли 2007 “Дар бораи пешгирӣ намудани тарғиби оину мазҳабҳои бегона ва воридоти адабиётҳои характери экстремистӣ дошта”, 11 “китоби динии шубҳанок” ва марбут ба сеҳру ҷодуро мусодира кардааст. Манбаъ аз ин китобҳо “Тим-Тим”-и ҳиндии илми тилисму сеҳру ҷоду, китоби динии “Ганҷинаи амалиёт”, “Ҷавоҳири тавизот”, “Хазинаи тавизот”, “Канзул Ҳусайн”, “Нақши Сулаймон”, “Куллиёти канзулҳусайн” ном бурда, мегӯяд, “ҳуқуқвайронкунандагон мехостанд онҳоро ғайриқонунӣ ба ҷумҳурӣ ворид намоянд”.

Бар асоси қонунгузории Тоҷикистон афроде, ки ба сеҳру ҷоду ва фолбинӣ машғуланд, ба ҷавобгарӣ кашида мешаванд.

Мӯҳр

Хабарҳои монанд:

Озод

Фикр мекунам ки аз ман инсони бесавод шояд набошад аммо ин сарлавха номгузории ин матнро мехонаму намедонам ба ки дод гуям... О савод ки надори ба хамин дини ислом чи кор дори ?? О дин ин як чахочубаи муайян карда шуда пок ва нишондихандаи хамаи рохои хайру шар мебошад ва шубха ва шакке нест ва чавобгую рахнамо то рузи киемат мебошад ...Чаро чор китобе ки ба дин хеч иртиботе надоранд онхоро ба дин рабт дода динро хатчадор мекунед ..... ?????

Ҷавоб диҳед Иқтибос Шикоят

Эзоҳ илова кунед