27 фев 2017 11:24Тоҷикистон / Иқтисодӣ / Дидгоҳи хос / Тема дня

Қатъи кори терминалҳо баъди қарори ҳукумат: Зараровар шудааст...

Мирзо Раҳимов, директори ширкати “Пародхт.тҷ” шикояти сокинони Тоҷикистон дар мавриди қатъи кори бисёри терминалҳои пардохтро тасдиқ кард.

Раҳимов имрӯз, 27-уми феврал зимни тасдиқи қатъи кори терминалҳои пардохт ба "Озодагон" гуфт, нигоҳдории терминалҳо зараровар шудааст ва онро ба қарори ҳукумат рабт дод.

Ӯ гуфт, ширкаташон бо соҳибкорони инфиродӣ шартнома дошт ва ин соҳибкорон барои пардохти пул тариқи терминалҳо фоизи муайян-то 3 фоиз ҳаққи худ мегирифтанд. Раҳимов гуфт, бар асоси қарори ҳукумат, ки соли гузашта қабул гардид, муқаррар шудааст, ки соҳибкорон ин фоизро на аз муштариён балки аз ширкатҳои мобилӣ гиранд: “Ахиран назорати иҷрои ин қарор пурзӯр гардид. Фаъолият бе гирифтани фоизи муайян барои соҳибкорон фоидаовар нест ва бинобар ин онҳо кори терминалҳоро қатъ кардаанд, зеро онҳо низ хароҷот доранд. Аз ҷумла иҷора, андоз, таъмири техника ва дигар хароҷот...”.

Раиси “Пардохт.тҷ” гуфт, барои ҳалли ин мушкил ба ширкатҳои мобилӣ муроҷиат кардаанд, аммо онҳо изҳор доштаанд, ки дар ҳоли ҳозир имкони пардохти ҳаққи хизмати терминалҳоро надоранд: “Онҳо мегӯянд, барои ин боз бояд ҳаққи зангҳою хизматрасониҳоро баланд бардоранд. Айни ҳол барои ҳалли ин мушкил вақт лозим аст”.

Ин дар ҳолест, ки сокинони Душанбе ва навоҳии атроф имрӯз, 27-уми феврал бо “Озодагон” дар тамос шуда, арз доштанд, ки рӯзҳои охир наметавонанд аз терминалҳо барои пардохти ҳаққи телефон ва дигар хизматрасониҳо истифода баранд.

Шуҳрат, яке аз муроҷиаткунандагон аз шаҳри Душанбе гуфт, “ба чандин терминал рафтем, аммо кор намекунанд. Дар ҳамаи ҷо ҳамин аҳвол. Мардум саргардон шудаанд”.

Ин дар ҳолест, ки соли гузашта Маҷлиси намояндагон тағйирот ба қонун «Дар бораи иҷозатномадиҳӣ ба баъзе намудҳои фаъолият»-ро қабул намуд, ки бар асоси операторони низоми пардохт бояд иҷозатномаи Бонки миллии Тоҷикистонро гиранд.

Ҷамшед Нурмуҳаммадзода, раиси Бонки миллии Тоҷикистон зимни шарҳи ин лоиҳа изҳор дошта буд, ки ҳадаф аз тағйирот, таъмини шаффофияти фаъолияти терминалҳои низоми пардохт, пурзӯр намудани назорат ва ворид намудани иловапулиҳо ба буҷаи Тоҷикистон мебошад.

Раиси Бонки Миллӣ соли гузашта изҳор дошта буд, ки дар Тоҷикистон 3 900 шахсони ҳуқуқӣ, воқеӣ ва ташкилотҳои қарзӣ бо терминалҳои худкори низоми пардохт, ки дар ҷойҳои ҷамъиятӣ гузошта шудааанд, фаъолият доранд.

Мӯҳр

Хабарҳои монанд:

Мухаммад

Дар дигар давлатхо музди мехнати ин терминалхоро на муштари балки ширкатхои мобили партохт мекунан.

Ҷавоб диҳед Иқтибос Шикоят

Рахим

Ман аппарати пулгузарони дорам ва рузи 20 феврал ман хам хостам бе фоизи хакки хизматрасони кор кунам барои он ки ба мо огохиномаи хадамоти алокаро пешниход намуданд. Хамон руз аппарат 85 сомони кабул кард ва пул дар чои пулкабулкуниаш руст монд. Ман хостам равам ва пули рустмондаашро гирам то ки аппарат ба кор дарояд лекин хисоб кардам,ки аз 85 сомони ба ман фоида мешавад 85 дирам ва агар ман рафта биёям 2 сомони рохпули харочот мекунам яъне,ки ман 1.15 сомони зарар мебинам холе ин харочот факат барои рохпули боз андоз,ичора, кисмхои эхтиёти ва гайра. Оё ягон сохибкор ё шахси вокеи мехохад кор кунад дар хамин холат?

Ҷавоб диҳед Иқтибос Шикоят

Садриддин

Аз катъи фаъолияти терминалхо хабар додед.
Хуб, пулгузарониро чи тавр ба рох мондаанд Ширкатхои мобили ?
Озодагон пайгир мешудед хуб мешуд то муштариён бидонанд.

Ҷавоб диҳед Иқтибос Шикоят

Эзоҳ илова кунед