04 фев 2017 10:57Тоҷикистон / Иқтисодӣ / Рӯ ба рӯ

Тахфифи ҳукумат ба соҳибкорони пешпардохткунандаи андоз

Ҳукумати Тоҷикистон ба тоҷироне, ки тариқи патент ва шаҳодатнома фаъолият мекунанд, барои пешпардохти андоз тахфиф ироа кардааст.

Тибқи тағйирот ба қарори ҳукумати Тоҷикистон, ки ҳафтаи гузашта тасдиқ гардиданд, минбаъд ба соҳибкороне, ки барои се моҳи оянда пули патенту шаҳодатномаро пардохт мекунанд, аз ҳаҷми умумии маблағ 10% кам карда мешавад.

Инчунин ҳукумати Тоҷикистон соҳибони бозор, марказҳои тиҷорӣ ва ҷамъиятҳои нақлиётиро вазифадор кардааст, ки ҳар моҳ дар мавриди теъдоди нуқтаҳои савдо ва соҳибкороне, ки бо онҳо шартнома бастаанд, ба мақомоти маҳаллии андоз ҳисобот пешниҳод кунанд.

Пешниҳоди тахфиф барои пешпардохти андоз дар ҳолест, ки нозирон қаблан низ аз соҳибкорон пардохти андоз барои моҳҳои ояндаро талаб мекарданд.

Аммо ахиран Нусратулло Давлатзода, раиси Кумитаи андоз гуфт, ин талаби нозирон асоси қонунӣ надорад ва соҳибкорон метавонанд ба Кумита шикоят баранд.

Мӯҳр

Хабарҳои монанд:

Сохибкор

Агар яксола пардохт куни чи кадр тахфиф мешавад .

Ҷавоб диҳед Иқтибос Шикоят

Точир

хамон матни пурраи карори Хукуматро аз кучо ефтан мумкин?

Ҷавоб диҳед Иқтибос Шикоят

andozsuporanda

Андозро супоридам ва ҳуҷҷат ҳам дорам. Қарздор нестам. Аммо Нозири андоз хост ба тарзи нақд ба дасташ супорам. Ҳоло маро қарздор баровардӣ аст.
"Тахфифи ҳукумат ба соҳибкорони пешпардохткунандаи андоз" ин афсонаҳои Халқи Тоҷик мебошад.

Ҷавоб диҳед Иқтибос Шикоят

Шахси масъул

Точир,
Пешпардохт танхо барои семохи минбаъда пешбини шудааст на барои соли пурраи таквими ва ин имтиёз танхо барои С/И патентдор пешбини шудааст!!!

Ҷавоб диҳед Иқтибос Шикоят

Эзоҳ илова кунед