03 фев 2017 10:17Тоҷикистон / Иҷтимоӣ / Дидгоҳи хос / Тема дня

Қатъи парванда алайҳи писари ноиби сарвазир: Айби мошин буд (ВИДЕО)

Додситонии кулли Тоҷикистон аз қатъи парвандаи ҷиноӣ алайҳи Фаромуз Саидови 23-сола, писари Давлаталӣ Саидов, муовини аввали сарвазири кишвар хабар дод.

Шариф Ҳабибуллоев, сардори раёсати назорати милитсияи Додситонии кулли Тоҷикистон имрӯз, 3-юми феврал дар посух ба суоли “Озодагон” гуфт, парванда алайҳи Фаромуз Саидов дар робита ба садамаи маргбораш қатъ шудааст. Ӯ шарҳ дод, ки дар пайи баррасии маводи парванда муайян шудааст, ки садама бо сабаби ҷой доштани мушкили техникӣ рух додааст.

Ҳабибуллоев афзуд, ки парванда аз ҷониби муфаттиш қатъ карда шуд ва чанд рӯз қабл барои омӯзиш ба додситонии кулли Тоҷикистон пешниҳод гардид. Ӯ гуфт, мо далелҳои қатъи парванда алайҳи Саидовро мавриди баррасии иловагӣ қарор медиҳем ва қонунӣ будани ин қарорро муайян мекунем.

Рамазон Раҳимзода, вазири умури дохилии Тоҷикистон ду ҳафта қабл овозаҳо дар мавриди афв шудани Фаромуз Саидови 23-соларо рад карда, гуфт: “Дар доираи парванда алайҳи ӯ чанд ташхис гузаронда шуд. Баъзе хулосаҳои зидду нақиз буд, ман супориш додам, тафтишотро ҳар чӣ зудтар анҷом диҳанд”.

Ӯ ҷузъиёти хулосаҳоро ироа накард ва афзуд, ки айни ҳол парванда барои омӯзиш ба додситонии генералии Тоҷикистон пешниҳод шудааст.

Сонеҳаи маргбор бо иштироки Фаромуз Саидов шаби 10 сентябри соли гузашта дар хиёбони Исмоили Сомонӣ рух дода, ду кушта барҷой гузошт. Бино ба иттилои ВКД, “дар натиҷаи ин ҳодиса Ҳилола Раҳимова, сокини 25-солаи Душанбе ва Рустам Сатторов, сокини ноҳияи Варзоб ҷон дода, худи Фаромуз Саидов бо ҷароҳатҳои ҷисмонӣ дар беморхона бистарӣ мебошад”.

Дар робита ба ин ҳодиса бар пояи моддаи 212-и Кодекси ҷиноӣ (вайрон кардани қоидаҳои ҳаракати роҳ ва истифодаи воситаҳои нақлиёт) парванда боз шуда буд.

Мӯҳр

Хабарҳои монанд:

Расул

Мухтарам озодагон. Шумо ба фикрам ба филолог ниёз доред, ё конуни чт дар бораи забони давлати ва имлоро намеписандед. Ин садама мохи сентябри сол гузашта шуда буд. Шумо чи навиштед?

Ҷавоб диҳед Иқтибос Шикоят

вао

Бояд хатман президенти ширкати Тойота ба махкама кашида шавад бо ин мошинхои шаллакаш.

Ҷавоб диҳед Иқтибос Шикоят

Tojik

Ин парвандаро якбори дигар бояд бинан, чун дар вакти саламандра 2нафар халок шуда буд.
Конун барои хама конун АСТ. Дар чое хондам (Фаромуз Саидов мадхуш будааст дар вакти садама) бояд чазояшро бигирад аз руи конун.

Ҷавоб диҳед Иқтибос Шикоят

маьюб

конун факат барои камбагалон аст

Ҷавоб диҳед Иқтибос Шикоят

чум

Чаро ин меъёри қонун нисбати дигар шаҳрвандон то ба имрӯз боре ҳам истифода нашудааст????

Ҷавоб диҳед Иқтибос Шикоят

мухочир

Соҳибони 2 ҷавон чикор карда бошанд неужели харида бошандшон як умр дар назди виҷдон шон чикор мекарда бошанд

Ҷавоб диҳед Иқтибос Шикоят

Хайрон

Вазифаи Додситони кулл, ВКД дигару дигарш кор намеомадай. Муовини САРВАЗИР ё САРВАЗИР шидан даркор,.

Ҷавоб диҳед Иқтибос Шикоят

рустам

ман муддати 5 сол хукукхои худро дар суди Панчакент химоя мекунам вале афсус ки моддаи 22 аз тарафи ин макомот дагалона варон карда мешвад ва як мурофиаи дигар аз тарафи суди нохияи Синои шахри душанбе варон карда шуд ки манфиатдор бошад......агар одам медоштам сафед ва голиб мебаромадам холо ин ки ман мурчиат кардам вале афсус ба нафъи чавобгар хал шуд........ба ин ки чавоб медихад суд е ман

Ҷавоб диҳед Иқтибос Шикоят

калакаду

айби симчубро фаромуш накунед

Ҷавоб диҳед Иқтибос Шикоят

Эзоҳ илова кунед