02 фев 2017 08:56Оcиёи Марказӣ / Тоҷикистон

"Сомон Эйр": Парвозҳои мунтазам ба Тошканд 20 феврал оғоз мешаванд

Ширкати “Сомон Эйр” мегӯяд, нахустин парвоз ба Тошканд, ки соати 10:00-и 10-уми феврал анҷом дода мешавад, техникӣ буда, парвозҳои мунтазам аз 20-уми феврал оғоз мегардад.

Бар асоси иттилоияи ин ширкат парвозҳо ба Узбакистон то охири мавсими зимистон ҳафтае як маротиба рӯзҳои душанбе ва дар мавсими тобистон ҳафтае ду маротиба, рӯзҳои душанбе ва панҷшанбе амалӣ хоҳанд шуд.

Ширкати “Сомон Эйр”, ки нархи чиптаи ҳавопаймо дар масири Душанбе-Тошкандро наздики 150 доллари амрикоӣ муайян кардааст, далели гаронии нархи ин парвозҳои 45 дақиқаиро низ шарҳ додаст. Бар асоси иттилоияи ин ширкат арзиши чипта дар масири Душанбе-Тошканд 1164 сомониро ташкил медиҳад, ки тибқи қурби барои имрӯз муайянкардаи Бонки Миллӣ муодили 147 доллари амрикоӣ мебошад. Масъулини “Сомон Эйр” гаронии чиптаро ба арзиши баланди хидматрасониҳои фурудгоҳӣ дар Тошканд рабт доданд, ки барои ҳар мусофир 76 доллари амрикоиро ташкил медиҳад.

Ин ширкат мегӯяд, дар сурати дарёфти сабукӣ аз ҷониби Тошканд имкони бозбинии нархи чиптаҳо мавҷуд мебошад.

Мӯҳр

Хабарҳои монанд:

точ

Ин нарх баробари нархи Душ- Новосиб.
Кай ин ширкатхо гами мусофиронро мпефахмида бошанд?

Ҷавоб диҳед Иқтибос Шикоят

Хучанди

Ачабо, ман бо нархи 235 сомони дар точикэйр аз Душанбе ба Хучанд рафтам аммо баъди 4-руз дар бозгашт тавассути ширкати сомонэйр бо нархи кариб ду баробар зиёд ба Душанбе баргаштам. Хизмату парвози самолётхо аз якдигар хеч фарке надоштанд. Чаро парвози Тошканд-ро точикэйр ба ухда намегирад?

Ҷавоб диҳед Иқтибос Шикоят

Сафар

Замони шуравй 17 сум буд, руфако!! Ман мерафтам дар Чилонзор ё Чорсу обед карда меомадам.

Ҷавоб диҳед Иқтибос Шикоят

озод

хизматрасонии хамаи фурудгоххо факат барои Точикистон кимат аст е иштихои Сомон Эйр?

Ҷавоб диҳед Иқтибос Шикоят

Эзоҳ илова кунед