25 янв 2017 13:23Тоҷикистон / Иҷтимоӣ

Вазири саноат: Майнӯшии мардум кам шудааст

Шавкат Бобозода, вазири саноат ва технологияҳои нави Тоҷикистон мегӯяд, талабот ба нӯшокиҳои спиртӣ дар кишвар коҳиш ёфтааст.

Бобозода имрӯз, 25-уми январ зимни нишасти матбуотӣ дар Душанбе гуфт, майнӯшии мардум кам ва талабот ба нӯшокиҳои спиртӣ коҳиш ёфтааст: “Ин хуб аст, ки мардум наменӯшанд. Солҳои пеш дар тӯю маъракаҳо машруботи спиртӣ зиёд истифода мешуданд, ҳоло бошад қариб, ки нест”.

Ба гуфтаи вазир феълан дар кишвар дар маҷмуъ ҳудуди 100 корхонаи нӯшокиҳои спиртӣ фаъолият доранд, ки қисмеяшон ҳам маҳсулоти спиртӣ ва ҳам нӯшокиҳои ташнашикан истеҳсол мекунанд.

Дар идома Бобозода аз корхонаҳои тавлиди нӯшокиҳои ташнашикан тавсиф намуд, ки ҷойи маҳсулоти воридотиро танг карда истодаанд. Ба иттилои манбаъ воридоти нӯшокиҳо ба кишвар 25 дарсад кам шуда, фаъолияти корхонаҳои ватанӣ густариш ёфтааст.

Изҳороти вазир дар мавриди майнӯшии ками мардум дар ҳолест, ки тибқи гузориши Созмони ҷаҳонии беҳдошт ё World Health Organization (WHO) Тоҷикистон дар Осиёи Марказӣ кишваре дониста мешавад, ки аҳолиаш аз ҳама кам нӯшокиҳои спиртиро истеъмол мекунанд.

Дар гузориши СУБ дар ин робита омада буд, ки дар Тоҷикистон ба ҳисоби миёна ҳар нафар солона 2,8 литр нӯшокиҳои спиртӣ менӯшанд. Қирғизистону Туркманистон 4,3 литр, Узбакистон 4,6 ва аз ҳама зиёд дар Қазоқистон ҳар нафаре солона 10,3 литр спирт истеъмол мекардааст.

Мӯҳр

Хабарҳои монанд:

Давлат

Хама мулло шуда бурафтагй...

Ҷавоб диҳед Иқтибос Шикоят

Мухочир

Мухтарам Взир леки ин маънии уро надора, ки дар давлатхое ки майнуши каме нисбати Точикистон зиёд аст (ба монанди Россия, Белоруссия, Казокистон, Украина, Арманистоон ва гайра )тараккиёти онхо суст аст , не ин хел нест, пас матлаби Шумо чист, магар мо давлати дуняви да зиндаги надорем?

Ҷавоб диҳед Иқтибос Шикоят

Завсклади қадим

-Бачаҳо ҳозираша намедонам, ҳамин масчидои солҳои навадумро ҳамаша қариб бачаҳои арақхӯр бунёд мекарданд. Аксарияташ завскладҳои тахтаю шифер, мудирони анбори савдою плодоовошу селхозтехникаю главснабу ва дигар идораҳои рунду ру буданд. Мезаданд арақаю мегуфтанд, бобои мулло саруш кун, тахтаю шиферу хишташ аз худам. Дилу нияти арақхӯр, ки пок аст, масчидам зуд бунёд мешуд. Бобои мулло ҳам, бекор намеистод. Аз ҳаму чӯбу тахтаю масолеҳи сохтмонӣ кам-кам дӯздида, ба зани дуюмаша хона месохт. Масчидҳо ҳам, пури намозхон буданд. Бобои мулло медонам дандонот чарақ-чарақ доранду лекин ҳамин хел буд.
Ё гапам, нодуруст бачаҳо?!..

Ҷавоб диҳед Иқтибос Шикоят

Эзоҳ илова кунед