25 янв 2017 12:45Тоҷикистон / Иқтисодӣ

Transparency International: Қабули фасод дар Тоҷикистон якбора зиёд шуд

Созмони ҷаҳонии шаффофият, "Transparency International" дар раддабандии нави худ оид ба фасодпазирӣ Тоҷикистонро дар зинаи 151 қарор додааст, ки нисбати соли гузашта 15 зина қафо мебошад.

Тибқи раддабандии пажуҳишгарон фасодпазирӣ дар Тоҷикистон афзоиш ёфта, кишвари мо аз 100 холи имконпазир 25 хол гирифтааст: “Дар раддабандии соли 2015 Тоҷикистон мақоми 136-ро дошт”.

Дар раддабандии ҷадид аз миёни кишварҳои Осиёи Марказӣ нишондиҳандаи беҳтаринро Қазоқистон дорад, ки дар ҷои 131-ум мебошад: “Қирғизистон – 136, Туркманистон – 154, Узбакистон дар мақоми 156-ум ҷой гирифтаанд”.

Раддабандӣ 176 кишвари дунёро фаро гирифта, мизони пасттарини фасодкорӣ дар Дания, Зеландияи Нав ва Финландия сабт гардидааст. Вазъи Кореяи Шимолӣ Судони Ҷанубӣ ва Сомалиро пажуҳишгарони Transparency International бадтарин арзёбӣ кардаанд.

Ин феҳраст аз рӯйи назарпурсиҳои коршиносон ва тоҷирон таҳия шуда, соли равон рейтинг 176 кишварро фаро гирифтааст.

Бад шудани мавқеи Тоҷикистон дар ин раддабандӣ дар ҳолест, ки моҳи октябри соли сипаришуда Рустами Эмомалӣ, собиқ раиси Оҷонсии зидди фасод низ зимни муаррифии як таҳқиқот дар назди Президент бо таассуфу нигаронӣ изҳор дошта буд, ки мардум масъулини мубориза бо коррупсияро фасодзадатарин медонанд.

Рустами Эмомалӣ аз қавли мусоҳибон маоши бештари кормандон, ҷазои сангинтари фасодкорон ва таъини шахсони поквиҷдонро ба мансабҳои давлатӣ яке аз роҳҳои паст кардани сатҳи коррупсия хонда буд. Рустами Эмомалӣ ҳадафи ин таҳқиқот ва пурсиши сотсиологиро, ки бо иштироки 88 ҳазор сокини кишвар гузаронда шудааст, муайян намудани сабабу омилҳои коррупсионӣ, муносибати аҳолӣ нисбат ба коррупсия ва муқовимат ба он дар сохторҳои давлатӣ хондааст.

Натиҷаи пурсиш муайян намуд, ки аз шумораи умумии иштирокчиён зиёда аз 34 ҳазор нафар ё 39 фоиз сатҳи коррупсияро дар мақомоти идоракунии давлатии сатҳи ҷумҳуриявӣ баланд арзёбӣ намудаанд, ки ба соҳаҳои заминсозӣ 39 фоиз, тандурустӣ 35 фоиз, маориф 25 фоиз, бахшҳои оид ба корҳои дин, танзими анъана ва ҷашну маросимҳои миллӣ 36 фоиз ва сабти асноди ҳолати шаҳрвандӣ 34 фоиз рост меояд.

Мӯҳр

Хабарҳои монанд:

Юсуф

Салом, дар вокеъ Созмони ҷаҳонии шаффофият, "Transparency International хеле дуруст арзёби кардааст. Пушида наст, ки як омузгори одди вазифаи хеле мукаддасро ба ухда дорад аммо ба осони ва бе шармона (аксарият) ба ришва даст мезанад! Пас аз тарбияи ин гуна афрод, чигуна чавонони солим фикрро чомеа аз омузгорону волидайн талаб менамояд?! хеле боиси таассуф аст, ки чунин омузгорон чавононро дар рохи фассоду ришвахори тарбият менамоянд... ва як чавони хунхораю дар акидаш ришват ба воя мерасад. Пеши ин хамаро дар як мох ва хеле сода метавон гирифт, аммо намехоханд...

Ҷавоб диҳед Иқтибос Шикоят

Эзоҳ илова кунед