Жириновский дар Душанбе ҳамагӣ 71 ҷонибдор доштаасту бас

Аз шаҳрвандони Русия, ки муқими Тоҷикистонанд дар интихоботи парлумонии Русия 7 ҳазору 753 интихобкунанда иштирок карда,  бештарашон ҳизби «Русияи воҳид» - ро дастгирӣ кардаанд.

---

Владимир Ваниев, масъули сафорати Русия дар Тоҷикистон ба хабаргузориҳо гуфтааст, ки аз 1199 нафаре, ки дар шаҳри Душанбе овоз додаанд, 747 нафарашон ҳизби «Русияи воҳид», 257 нафарашон ҳизби коммунистии Русия ва ҳизби «Русияи боадолат» - ро 63 нафар тарафдорӣ кардаанд. Ба ҷонибдории ҳизби либерал демократии Русия, бо сарварии Владимир  Жириновский, ки бо изҳороти зиддитоҷикиаш маъруф аст, дар пойтахти Тоҷикистон ҳамагӣ 71 нафар овоз додаанд.

Ба иттилои сафорати Русия дар шимоли Тоҷикистон  дар интихобот  640 интихобкунанда иштирок карда, 494 нафарашон ҳизби «Русияи воҳид», 83 нафар ҳизби коммунистҳо ва 29 нафар ҳизби «Русияи боадолат» - ро дастгирӣ кардаанд.  Дар Норак 71 фоизи овоздиҳандаҳо ба ҷонибдории «Русияи воҳид» овоз додаанд.

Шумораи шаҳрвандони Русия, ки имкон доштанд дар Тоҷикистон дар интихобот иштирок намоянд, ҳудуди 20 ҳазор нафар арзёбӣ мегардид.

Мӯҳр