17 янв 2017 12:20Тоҷикистон / Иҷтимоӣ / Рӯ ба рӯ / Тема дня

Раиси обуҳавошиносон: Феврал хунук меояд

Ҳомидҷон Расулзода, директори Оҷонсии обуҳавошиносии Тоҷикистон аз сардшавии ҳаво дар кишвар ҳушдор дод.

Расулзода имрӯз, 17-уми январ зимни нишасти хабарӣ дар Душанбе гуфт, моҳи феврал нисбати соли гузашта аз 2 то 4 дараҷа хунуктар хоҳад омад. Ӯ афзуд 11 рӯзи моҳи феврал боришот дар назар аст.

Раиси Оҷонсии обуҳавошиносӣ инчунин ҳушдор дод, ки 23-юми январ дар кишвар барфу борони шадид дар назар аст.

Ахиран Кумитаи ҳолатҳои фавқулода ва мудофиаи граждании Тоҷикистон ҳушдор дод, ки аз 17 то 25-уми январ кишварро боду ҳавои хатарнок фаро хоҳад гирифт: “Резиши барфи тар дар назар буда, ҳаво якбора сард мешавад. Хатари кандашавии хати алоқа ва интиқоли неруи барқ, расидани зарар ба аҳолӣ, ҳамчунин афзоиш ёфтани шумораи садамаҳои нақлиётӣ ба миён меояд”.

Кумитаи ҳолатҳои фавқулода аз шаҳрвандон хостааст, то ҳадди имкон аз сафар тариқи роҳҳои кӯҳӣ худдорӣ кунанд ва дар кӯчаю хиёбонҳо аз эҳтиёт кор бигиранд. Ин ниҳод аз мардум даъват намуд, ки ба хатҳои интиқоли барқу алоқа диққат диҳанд, зери боми хонаҳо, ки шӯшаҳо овезонанд, наистанд ва кӯдаконро эҳтиёт кунанд.

Мӯҳр

Хабарҳои монанд:

Мухочир

Хами обу хаво шиносон кати КХФ хамика дуруг меган кииии ооо дуругам ебаш будагист.Як хафта шид меген мебора хеч нест бубора бар акси хабари шумо офтоб мекунад.

Ҷавоб диҳед Иқтибос Шикоят

шахрванд

хамин боду хавошиносон дуруг намегуянд. Ба гуфтаи афанди (афанди ду писар дошт. ва доимо мегуфт, ки писарони ман дуруг намегуянд. Чунончи яке мегуяд фардо борон мешавад. Дигаре мегуяд, ки фардо хаво гарм мешавад. Чун ба фардо расем, мебинем, ки хатман сухани яктоааш дурст мебарояд), яъне ё меборад ё хаво гарм меояд.

Ҷавоб диҳед Иқтибос Шикоят

Беном

Бубро бубин хавора, мебора намебора.....

Ҷавоб диҳед Иқтибос Шикоят

Ҳавосанҷак

Иллати дақиқ муайян накардан ва пешгуй накардани Идораи обу ҳавосанҷӣ дар набудани дастгоҳҳои фазоии кишвари худамон ва набудани мутаххассисони дараҷаи олӣ дар ин соҳа мебошад!!!
Сониян ҳамаи донишҷенро ҳуқуқдон ва ... кардан даркор нест. Бас аст! Фанҳои дақиқ ва дигар соҳаҳое, ки имруз ҷомеа ба онҳо ниез дорад ҷавонон ва мутахассисонро ба самти фазонавардӣ ва дигар илмҳои руз сафарбар кардан даркор!

Ҷавоб диҳед Иқтибос Шикоят

Эзоҳ илова кунед