17 янв 2017 11:00Тоҷикистон / Дин ва зиндагӣ / Дидгоҳи хос / Тема дня

Ҳимояти муфтии Маскав аз қарори мақомоти тоҷик: Ҳар мулло набояд никоҳ кунад

Элдар Аллоуддинов, муфтии шаҳри Маскав тасмими мақомоти тоҷикро, ки хутбаи никоҳ танҳо аз сӯи руҳониёни расмӣ хонда шавад, саривақтӣ хондааст.

Аллоуддинов дар дар суҳбат бо “Sputnik” зарур хондааст, ки раванди издивоҷ бояд то ҷое мушкил шавад. Ӯ гуфтааст, бояд дар хотир дошт, ки оила чизи муқаддас ва муҳим буда, нисбати он бояд ҷиддӣ муносибат кард: “Дар назди муллое рафта, хутбаи никоҳ хонда, гӯё дар назди Худованд зану шавҳар шудан, нодуруст аст. Дар бораи он ки дар Тоҷикистон ба ҳама муллоҳо хондани хутбаи никоҳро иҷозат надодаанд, ман розиям. Ба фикри ман бояд ин равандро то ҷое мушкилтар кард".

Муфтии Маскав инчунин аз издивоҷи дуюм, сеюм ва ҳатто чоруми муҳоҷирон дар Русия зикр карда, таъкид намудааст, ки аксарашон бе огоҳии зани аввал ва худсарона сурат мегиранд: “Ин як бесарусомонист. Масъалаи аз ҷониби муҳоҷирон барпо кардани оила дар Маскав ташвишовар аст".

Ахиран масъулини Кумитаи дини Тоҷикистон эълон карданд, ки хостори манъи хондани ақди никоҳ аз тарафи рӯҳониёни ғайрирасмӣ мебошанд. Ин ниҳод пешниҳод кардааст, ки масъулияти бастани никоҳи шаръӣ пурра ба ихтиёри имом-хатибон гузошта шавад. Ин ниҳод тасмими мазкурро ба хотири ҷилавгирӣ аз никоҳи ноболиғон ва никоҳҳое, ки дар идораи сабти асноди ҳолати шаҳрвандӣ (САҲШ) ба қайд гирифта нашудаанд роҳандозӣ кардаст. Кумитаи дин бо пешниҳоди тарҳе ба порлумон ва Додситонии кулл хостааст, ки барои риоя накардани ин тартиби бастани никоҳ ҷавобгарии ҷиноӣ ё ҳадди ақал ҷавобгарии маъмурӣ муайян карда шавад.

Мӯҳр

Хабарҳои монанд:

Мусофир

Аз кай боз Маскав хукуки дуруст ё нодуруст будани кори уламои точикро пайдо кардааст?. Мо ки бо фахр Эмом Ханифаву Бухори мегуфтем... ин чи бало задааст ки аз як кишвари христяни дар бораи дуруст будан ё набудани корхои мусалмонии мо тасмимгиранда мешудааст!? Э ВОЙ бар сари мо!

Ҷавоб диҳед Иқтибос Шикоят

Мусо

Кал додари кур.

Ҷавоб диҳед Иқтибос Шикоят

шахрванд

Ба "Мусофир"
Э ВОЙ бар сари ту барин инсон. Охир ин муфтий икдоми макомоти точикистонро дастгири кардааст на балки фармон додааст

Ҷавоб диҳед Иқтибос Шикоят

али

ду шохиди мусулмон бошад никох мешавад,муллохои давлати даркорне

Ҷавоб диҳед Иқтибос Шикоят

Сорбон

Мусо,
пистаи бемагз агар лаб во кунад, расво шавад. Пеш аз хама ба шумо машварат додани хастам, ки пеш аз оне ки як чизро менависед, аввал хуб фикр кунед. Яккум, саводнокии Шумо бехад паст мебошад, ин муфтии Маскав мисли мову шумо мусалмон аст, баъдан у фикру мулохизаи худро гуфтааст, на ба мо рох нишон додааст. Дуввум, агар тасаввурот оиди ин шахсият дошта бошед, миллати у тотор мебошад ва пайравикунандаи Имоми Аъзаме, ки шумо дагдага доред, мебошад. Дар ислом ягон хел фаркият миёни мусулмонхо вучуд надорад. Сеюм, Русия кишвари ба гуфти Шумо "християни" нест, балки кишвари дорои миллатхои зиёд мебошад, ки чанд миллатхои дар ин кишвар якчанд дину оинро пайрави мекунанд. Чорум, карори пешгирифтаи макомот чихати махдуд кардани хондани хутбаи никохро сад дар сад дастгири ва кобили кабул мешуморам.
Барои хамин, аз Шумо илтичо мекунам, ки барои аз мафкураи танг ва тангназари баромадан бештар мутолиа кунед. Оиди таъриху оину фарханги кишвархои пешрафта, оиди шахсиятхои бонуффузи чахони исломи...Чунки кишвари махбубу азизамон ба шахсиятхои дорои маърифати баланд ва тафаккури васеъ ниёз дорад.

Ҷавоб диҳед Иқтибос Шикоят

Эзоҳ илова кунед