16 янв 2017 15:27Тоҷикистон / Акс / Тема дня

Бунёди Маркази миллии Оши палав дар шимоли Тоҷикистон

Дар остонаи ҷашни Наврӯз дар шаҳри Хуҷанд Маркази миллии Оши палав бунёд хоҳад шуд. Ин маркази дуошёна дар маҳаллаи 20-уми шаҳр, назди масҷиди “Нури Ислом” сохта мешавад.

Аз маъмурияти вилояти Суғд ба хабаргузории “Озодагон” гуфтанд, Маркази миллии Оши палавро як соҳибкори ватанӣ бунёд хоҳад кард: “Маркази хӯрокҳои миллӣ дуошёна буда, ороиши он пурра бо усули меъмории анъанавӣ ба роҳ монда мешавад ва дар ин ҷо беш аз 10 намуди оши палав ва навъҳои гуногуни таомҳои дигари миллӣ омодаву ба мизоҷон пешниҳод гардонида мешаванд”.

Манбаъ ҳадафи аслии сохтмони марказро “эҳё ва рушду нигаҳдории фарҳанги миллии ошхонадории тоҷикон” унвон кард.

Бунёди Маркази миллии Оши палав дар шаҳри Хуҷанд дар ҳолест, ки 30 ноябри соли 2016 Идораи илму фарҳанги СММ – “ЮНЕСКО”, оши палави тоҷикиро ба феҳрасти мероси фарҳангии ғайримоддии ҷаҳонӣ ворид кард. Бино ба иттилои ин ниҳод, оши палав дар Тоҷикистон “шоҳи ғизоҳо” ном дошта, беш аз 200 тарзи таҳия дорад. “ЮНЕСКО” инчунин оши палави пешниҳодкардаи Узбакистонро низ ба феҳрасти мероси фарҳангии ғайримоддии башарият ворид карда, шарҳ додааст, ки ош ба таҳкими равобити иҷтимоӣ мусоидат мекунад.

Феълан феҳрасти мероси фарҳангии ғайримоддии башарият 366 номгӯи суннатҳову арзишҳои халқҳои ҷаҳонро дар бар мегирад.

Мӯҳр

Хабарҳои монанд:

Кӯлобӣ

Аввалҳои солҳои навадум дар Душанбе як дӯсти Хӯҷандиямро вохӯрдам. Гуфт, ки Кӯлобанда аз рӯи шунидам ҷо зира мӯл, манба зира фирист. Ман гуфтам, ки намебини вилояти Кӯлоб блокада шудагӣ, мо дар ғами ҷону ту корат зираковӣ. Боз Хӯҷанд бародаршаҳри Кӯлоб, чи хел фаҳмем..
Баъди ҳамон солҳо ба наздикӣ дар Душанбе вохӯрдем. Ман гуфтам, ки ҳамон вақт Кӯлоб нотинҷ буд, зира фиристода натавонистам, оши ленинободи бе зира чи хел мешавад?..
Дӯсти хӯҷандиам шӯхиомезона гуфт: рӯи наҳсат гурба аз ҳамон сол моҳон зираи ёфтагиамона Кӯлобанда фиристода шиштем.
Ҳамин паловхонаи Хӯҷанда дида, шӯхии ҳамон дӯстам ба ёдам омад...

Ҷавоб диҳед Иқтибос Шикоят

Marsianin

Az baroi khudo digar kor nadored bogcha sozed markazi talimi sozed hamun oshi nahora dar tamomi jumhuri pahn karded khub aknun boz markazzozira sar kunand misli hamon choykhonaho yagon ideyai bakuvvat peshnihod kuned osha arzon kuned masalan

Ҷавоб диҳед Иқтибос Шикоят

Калакалон

Чудоям чои нагз мещудас. Маладес кандаша занад сохтоскихо....
Лекин гап ошпазанда

Ҷавоб диҳед Иқтибос Шикоят

Эзоҳ илова кунед