07 янв 2017 10:34Тоҷикистон / Иҷтимоӣ / Дидгоҳи хос

Таркиши деги чинӣ сокини Душанберо хонахаробу маҷруҳ кард

Дар пайи таркиши деги чинӣ дар ноҳияи Синои шаҳри Душанбе як бино хароб гардида, соҳибхонаи 53-сола маҷруҳ шудааст.

Тавре аз Вазорати умури дохилии Тоҷикистон ба “Озодагон” иттилоъ доданд, 6-уми январ Саидраҳмат Атоев дар хонаи истиқоматияш дар кӯчаи Арбобхотуни ноҳияи Сино бо истифодаи деги сарпӯшдори чинӣ хостааст, истеҳсоли маҳлули шӯстушӯӣ ё собунро озмоиш кунад: “Аммо дег таркида, пораҳои он боми бинои навсохтро, ки таҷҳизот дар он ҷо гузошта шуда буд, шикаста ба берун паридаанд. Гунаҳкори ҳодиса, соҳибхона Атоев Саидраҳмат ҷароҳати ҷисмонӣ бардошта, ба беморхона интиқол дода шудааст”.

Манбаъ сабаби таркиши дегро фишори баланди ҳавои дохили он ва риоя накардани қоидаҳои техникаи бехатарӣ аз ҷониби Атоев Саидраҳмат арзёбӣ кард.

Вазорати умури дохилӣ бо зикри он, ки Атоев озмоиши мазкурро худсарона бе иҷозати мақомот гузарондааст, афзуд, ки аз рӯи далели мазкур, корҳои тафтишотӣ идома доранд.

Мӯҳр

Хабарҳои монанд:

фАРРУХ

агар деги чинии пассифат ҳам битаркад ҳатман "тоҷики бахтбаргашта" БОЯД ГУНАҲКОР БОШАД ДАР ҲАР СУРАТ НАБОЯД ЧИНИРО РАНҶОНД!

Ҷавоб диҳед Иқтибос Шикоят

мехмон

Дег барои хурокпази хаст на барои тачриба !!!

Ҷавоб диҳед Иқтибос Шикоят

девони-Барот

О эксперимент хам чиноят аст дар мо ?? Хеч гунахкор намешуморам ин мардро. У чиеро дидаву дониста натарконидааст. Танхо санчиш гузаронидааст моли ихтироънамудаашро.
Камтар вохима кунед. Боз рецепты ин махсулоти тарканда ба дасти игил наафтад

Ҷавоб диҳед Иқтибос Шикоят

Шахбоз

истеҳсоли маҳлули шӯстушӯӣ ё собунро озмоиш кунад
Хаминашро нафазмидам. Мехостааст дар хонаи шахсиаш СОБУН истехсол кунад? агар чунин бошад офарин бар ин зан. Айб дар АНДОЗ бошад ё дар ПАСАНДОЗ?

Ҷавоб диҳед Иқтибос Шикоят

Эзоҳ илова кунед