29 дек 2016 15:22Тоҷикистон / Иқтисодӣ / Тема дня

2 ташкилот кам: Идомаи муфлисшавиҳо дар низоми бонкӣ

Бонки миллии Тоҷикистон аз қатъи фаъолияти боз ду ташкилоти хурди қарздиҳӣ дар кишвар иттилоъ дод.

Тавре аз ин ниҳод имрӯз, 29-уми декабр ба “Озодагон” иттилоъ доданд, фаъолияти муассисаҳои қарздиҳии хурди “Гендер ва тараққиёт” ва “Танаис” 28 декабр, дар пайи пешниҳоди аризаҳои барҳамдиҳии ихтиёрӣ қатъ гардид: “Иҷозатномаҳои ташкилотҳои қарзии хурди номбурда, ки аз ҷониби Бонки миллии Тоҷикистон 25 июли соли 2005, таҳти №195 ва 4 январи соли 2006, таҳти №4 барои анҷом додани амалиётҳои бонкӣ дода шудааст, бозхонд гардиданд”.

Бонки Миллӣ масъулини ин муассисаҳоро уҳдадор кардааст, ки ки барои анҷом додани расмиёти барҳамдиҳии ихтиёрӣ ва ҳисоббаробаркунӣ бо қарздеҳони ташкилотҳои қарзии номбурда, комиссияҳои барҳамдиҳиро таъсис диҳанд.

Ин дар ҳолест, ки давоми ду соли охир даҳҳо ташкилоти хурди қарздиҳӣ дар кишвар барҳам дода шуд. Бонки Миллӣ ин равандро ба вазъи бади молиявии муассисаҳои қарздиҳӣ рабт медиҳад.

Мӯҳр

Хабарҳои монанд:

Салом рузноманигорони сомонаи хабарии "Озодагон".
Мехохам як эроди солим нисбати фаъолияти сомонаи Шумо гирам, харчанд медонам, ки шархи навистаи маро дар сомонаатон нашр намекунед :))) Ман хабархои шуморо хар руз мутолиа мекунам ва як чизро то хозир нафахмидам. Масалан Шумо дар хамин макола навистед, ки: "Тавре аз ин ниҳод имрӯз, 29-уми декабр ба “Озодагон” иттилоъ доданд, фаъолияти муассисаҳои қарздиҳии хурди “Гендер ва тараққиёт” ва “Танаис” 28 декабр, дар пайи пешниҳоди аризаҳои барҳамдиҳии ихтиёрӣ қатъ гардид: “Иҷозатномаҳои ташкилотҳои қарзии хурди номбурда, ки аз ҷониби Бонки миллии Тоҷикистон 25 июли соли 2005, таҳти №195 ва 4 январи соли 2006, таҳти №4 барои анҷом додани амалиётҳои бонкӣ дода шудааст, бозхонд гардиданд”. Савол: Оё хамин хабарро аз БМТ ба Шумо занг зада гуфтан ё Шумо аз сомонаи ин ниходи молии кишвар дастрас кардед? Ба монанди ин хабархои паш намодаи Шумо дар сомонахои ВКД хам мавчуд аст. Хохишмандам хамин масъаларо чидди гиред. Масалан ба хабарнигорони Радиои Озоди мусохиба мекунанд ва онхо хам матни мусохибаро пурра бо зикри номи мусохиб ё макомдорон дар сомонаашон пахш мекунад. Шумо бошед, хабархоро аз сомонахои макомоти гуногун дастрас мекунед (аксари вакт) ва хангоми тахияи матолиб ба чои зикри сарчашмаи хабар менависед: "Тавре аз ин нихоб ба "Озодагон" хабар доданд... " Хол он, ки айнан хамин бахар бо тамоми нуктаву дергулаш дар сомонахои макомоти зикрмекардаи шумо оварда шудааст. Яъне ин аз чи далолат мекунад ... ??? Ба вичдони Шумо хавола...!!!

Ҷавоб диҳед Иқтибос Шикоят

Эзоҳ илова кунед