29 дек 2016 14:14Тоҷикистон / Сиёсат

Душанбею Тошканд дар бораи чӣ созиш карданд?

Шоҳқосим Шоҳисломов, сафири Узбакистон дар Тоҷикистон, натиҷаҳои гуфтушуниди ҳайатҳои ҳукуматии ду кишварро, ки 28-уми декабр дар Душанбе анҷом ёфт, эълон намуд.

Ба гуфтаи Шоҳисломов дар пайи ҷаласаи Комиссияи байниҳукуматии Тоҷикистону Узбакистон протокол оиди оғози парвозҳо миёни Душанбе ва Тошканд дар нимаи аввали соли 2017 ба имзо расида, созиш шуд, ки саноатчиёни Узбакистон алюминийи тоҷикро харидорӣ хоҳанд кард.

Сафири Узбакистон дар суҳбат бо расонаҳо афзудааст, санадҳо дар мавриди коҳиши тарифҳои ҳамлу нақл тариқи роҳи оҳан ва додугирифти тарафайни мол имзо шудаанд.

Дар доираи ҷаласаи Комиссия, ки таҳти роҳбарии Рустам Азимов, ноиби нахуствазири Узбакистон ва Давлаталӣ Саид, ноиби аввали нахуствазири Тоҷикистон баргузор гардид, созиш шудааст, ки дар Душанбе анҷумани соҳибкорони тоҷику узбак ташкил шавад. Инчунин моҳи апрели соли равон ташкили намоишгоҳи маҳсулоти Узбакистон дар Душанбе ба нақша гирифта шудаст.

Вазорату идораҳои ду кишвар муваззаф шудаанд, ки дар мавриди роҳандозии омаду рафти автобусҳои мусофирбар миёни Тоҷикистону Узбакистон лоиҳаи созишномаро таҳия кунанд.

Дар назар аст, ки ҷаласаи навбатии Комиссияи байниҳукуматии Тоҷикистону Узбакистон оид ба ҳамкориҳои иқтисодӣ моҳи июни соли оянда дар Тошканд баргузор шавад.

Мӯҳр

Хабарҳои монанд:

Хайрандеш

Ягон кувваи алохида ва ё сиёсат хеч вакт ва дар ягон замон точику узбакро аз якдигар чудо карда наметавонад. Чунки омехташавии ин ду миллат таърихи дуру дароз дорад. Точику узбак ба мисли "пусту нохун" аст. Зиндагии муштарак боиси хешу табор шудани ин ду миллат гаштааст. Дар сурати мукобил гузоштани ин ду миллат ба якдигар, зарари сиёси-иктисоди ва маънави ба хар ду чонибхо таъсиргузор мебошад. Зиндаву човид бош дустию бародари ва акрабогии точику узбак... Агар точику узбак ахл бошад, дар минтака АМЕРИКА месозанд....

Ҷавоб диҳед Иқтибос Шикоят

Хусейн

узбак нею узбек менавиштед бехтар мебуд

Ҷавоб диҳед Иқтибос Шикоят

Шахрванд

Газ чи шид газ ????

Ҷавоб диҳед Иқтибос Шикоят

А.Рустам

Ин оғози кор аст ва аз Худо мехоҳем, ки марҳала ба марҳала идома ёбад то ки 1) раводид бардошта шавад; 2) марзи муштарак минрӯбӣ шавад; 3) интиқоли гози Ӯзбакистон ба Тоҷикистон аз сар гирифта шавад; 4) Мактабҳои тоҷикӣ, матбуоти тоҷикӣ дар Ӯзбакистон озодона фаъолият кунанд; 5) Масоили марзии байни ду кишвар ба таври ниҳоӣ ҳал бишавад;7) ҳар ду кишвар "ҷосусони" якдигарро аз зиндонҳо озод бикунанд; 6) Сиёсати ӯзбак кардани тоҷикон хотима дода шавад. Пас аз он муносибатҳои бародаронаи ду миллат ва кишвар оғоз хоҳад шуд.

Ҷавоб диҳед Иқтибос Шикоят

душанбе

Шахрванд,
ШИД не, шуд, ба кавли точикии кухан, аз руи буд-шуд!

Ҷавоб диҳед Иқтибос Шикоят

рушанфикр

Бародар Рустам.СССР сохтаниед чи.

Ҷавоб диҳед Иқтибос Шикоят

Эзоҳ илова кунед