27 дек 2016 16:18Тоҷикистон / Иҷтимоӣ / Рӯ ба рӯ / Видео / Тема дня

Видеои эътирозу саргардонии мусофирон: Парвоз боз ба таъхир афтод...

Худсарии ширкати “Ямал”, ки қабл аз дарёфти иҷозатномаи мақомоти Тоҷикистон чиптаҳои парвоз аз фурудгоҳи “Жуковский” ба Хуҷанду Душанберо фурӯхтааст, боиси саргардонии садҳо мусофир шудааст.

Мусофирони хатсайри Жуковский-Хуҷанд мегӯянд, рӯзи сеюм аст, ки наметавонанд тариқи ширкати “Ямал” ба Хуҷанд парвоз кунанд. Ба иттилои мусофирон дар сафорати Тоҷикистон дар Маскав ба онҳо изҳор доштаанд, ки мушкил сиёсӣ аст ва ба зудӣ ҳал хоҳад шуд. Ба гуфтаи онҳо масъулини сафорат ба зангҳои такрории мусофирон посух надодаанд.

Видеои эътироз ва саргардонии мусофирон:

Дар ҳамин ҳол “Риа новости” хабар додаст, ки парвози ҳавопаймои "Ямал" аз Жуковский ба Хуҷанд, ки бояд соати 11:30-и рӯзи душанбе сурат мегирифт, боз то рӯзи чоршанбе ба таъхир андохта шудааст.

Дар баробари ин дар пайи қарори Русия барои манъи парвози ширкати “Сомон Эйр” дар фурудгоҳҳои ин кишвар садҳо шаҳрванди Тоҷикистон дармондаанд. Аз ҷумла “Сомон Эйр” тасдиқ кард, садҳо мусофир, ки барои парвоз ба Душанбе чипта харидаанд, чанд рӯз боз дар фурудгоҳи Иркутск дармондаанд ва парвозашон ба Тоҷикистонро интизоранд.

Мӯҳр

Хабарҳои монанд:

salomat

сафорати Точикистон дар Эрону Туркия хам чавоб намедихад

Ҷавоб диҳед Иқтибос Шикоят

Мусофир

Офарин!Куҷо намояндагони сафорати Тоҷикистон?
Барои чи наздик намеоянд?
Барои чи ба занги ҳамватанонашон ҷавоб намедиҳанд?
Куҷо ҷаноби Ганҷалзода?
Оё у гами муҳоҷиронро мехӯрад?
Куҷо шуд ғамхориву бародарии мансабдорони Тоҷик?
Шармам меояд,ки касе ғами халқӣ ҷафокашӣ маро намехурад!!!

Ҷавоб диҳед Иқтибос Шикоят

точидин

"Озоди" навиштааст - "Игор Лякин-Фролов, сафири Русия дар Тоҷикистон, гуфт, баҳси бархоста бар сари парвози ҳавопаймоҳо миёни Маскаву Душанбе сиёсӣ нест,.
"Озодагон" навиштааст - "Ба иттилои мусофирон дар сафорати Тоҷикистон дар Маскав ба онҳо изҳор доштаанд, ки мушкил сиёсӣ аст"

Ҷавоб диҳед Иқтибос Шикоят

Дубнов

Тоҷиддин фаромӯш накун, ки ҳамун иқтисодию сиёсӣ ҳарду мори печонанд. Қазияи лётчикҳои урус аввал иқтисодӣ буд, баъд сиёсӣ шуд. Агар урус манфиаташро ёбад, нос туф кардани тоҷикро метавонад "сиёсӣ" кунад.

Ҷавоб диҳед Иқтибос Шикоят

Эзоҳ илова кунед