20 дек 2016 09:58Тоҷикистон / Сиёсат / Рӯ ба рӯ / Тема дня

Назарпурсӣ: Эътимоди русиягиҳо ба Э. Раҳмон бештар шудааст

Маркази умумирусиягии омӯзиши афкори омма (ВЦИОМ) дар пайи як назарпурсӣ муайян намудааст, ки эътимоди русиягиҳо ба Эмомалӣ Раҳмон, раисиҷумҳури Тоҷикистон бештар шудааст.

Тибқи назарпурсии ҷадиди ин марказ 4 фоизи русиягиҳо ба Эмомалӣ Раҳмон эътимод доранд. Ин нишондод моҳи декабри соли гузашта ба 1 фоиз баробар буд.

Бар асоси иттилои Маркази умумирусиягии омӯзиши афкори омма эътимоди аз ҳама зиёдро шаҳрвандони Русия ба Александр Лукашенко, раисиҷумҳури Белорусия (65%) ва Нурсултон Назарбоев, раисиҷумҳури Қазоқистон (54%) доранд. Боварии русиягиҳо ба роҳбарони кишварҳои дигари ИДМ аз 2 то 11 дарсадро ташкил медиҳад: “Аз ҷумла ба Илҳом Алиев, раисиҷумҳури Озарбойҷон — 11%, Серж Саргсян, раисиҷумҳури Арманистон — 8%, Шавкат Мирзиёев, раҳбари Узбакистон — 6%, Алмосбек Отамбоев, раисиҷумҳури Қирғизистон ва Игор Додон, раҳбари Молдова-5 фоизӣ, Қурбонгулӣ Бердимуҳаммадов ва Эмомалӣ Раҳмон-4 фоизӣ, Георгий Маргвелашвилӣ, раисиҷумҳури Гурҷистон — 3% ва ба Пётр Порошенко — 2%-и русиягиҳо бовар доранд”.

Русиягиҳо инчунин Белорусу Қазоқистонро муваффақтарин дар ИДМ ва шарикони асосии кишварашон дар арсаи байналмилалӣ хондаанд.

Ба суол дар мавриди таъмини ҳуқуқи аҳолии русзабон кишварҳои ИДМ чунин раддабандӣ шудаанд: “Беларус-69%, Қазоқистон-38%, Арманистон-13%, Украина -6%, Қирғизистон, Озарбойҷон, Молдова, Узбакистон-5 фоизӣ, Гурҷистон, Тоҷикистон-4 фоизӣ ва Туркманистон-2%”.

Мӯҳр

Хабарҳои монанд:

шахрванд

Мухим он аст, ки мо точикистониён ба рохбари давлатамон эътимод дошта бошем. Ва аз руи он ки кучаву сайргаштхову корхонаву мактабхо мебинем ба худи пешвои миллат Эмомали Рахмон мардумаш дилбастагии хосе доранд. Бошад, ки хамин гуна бошад ва осоиштагиву зиндагии хуб дошта бошем.

Ҷавоб диҳед Иқтибос Шикоят

Боймуродиха

Ба рохбари давлатамон мо точикистониен эътимоди беандоза дорем,дигар ки ва чи кадар эътимод дорад ба мо мухим нест.

Ҷавоб диҳед Иқтибос Шикоят

точик

Мо точикон шукронаи он мекунем, ки чунин Сарвари хирадманд дорем, ва фахрхам мекунем ки чунин Пешвои Миллат дорем.

Ҷавоб диҳед Иқтибос Шикоят

Кизикбой

Дар давоми 2 хафта чи хел ин Ш. Мирзиёев ба боварии русхо ба 6 % даромадааст кизик ку бо кадом ченак бахо медода бошанд ин русхои Кабир боз кизик ку

Ҷавоб диҳед Иқтибос Шикоят

Fули пашмини

Хаму 4% точикои Россия аст,ки кучарубиву сохтмонхода кор мекунанд. Русхо ба точикистон 000,01% бовари надоранд