15 дек 2016 17:28Тоҷикистон / Сиёсат
Зуҳуров ба сафири Амрико: Дари мо ба рӯи кишварҳое, ки ба мо назари нек доранд, кушода аст
Муҳаммадато Султонов, сухангӯи палатаи поёнии парлумон ба “Озодагон” гуфт, дар ин мулоқот, ки имрӯз, 15 декабр сурат гирифт, Зуҳуров таъкид намуд, ки то кунун 30 санад миёни Тоҷикистон ва Амрико ба имзо расида, ин кишвар ба Тоҷикистон ба маблағи 600 миллион доллари амрикоӣ кӯмаки башардӯстона расонидааст: “Шукурҷон Зуҳуров ҳамчунин иброз дошт, ки имрӯз дар Тоҷикистон 50 корхонаҳои муштараки тоҷикистонию - амрикоӣ фаъолият мекунанд, ки 9-тои онҳо сирф амрикоӣ мебошанд”.
Раиси Маҷлиси намояндагон изҳор дошта, ки Тоҷикистон сиёсати дарҳои бозро пеша карда, “дари мо ба рӯи он кишварҳое, ки ба мо назари нек доранд, доимо кушода аст. Имрӯз шароити хуб ва муносиб барои ҳамкориҳои дуҷонибаи байни кишварҳоямон фароҳам оварда шудааст. Тоҷикистон захираҳои бойи табиӣ дорад. Мо метавонем дар соҳаи энергетика, коркарди сангҳои қиматбаҳо ва меваҳои тару тозаи аз ҷиҳати экологӣ тозаи Тоҷикистон ва дигар соҳаҳо бо Амрико ҳамкориҳои судманде дошта бошем”.
Манбаъ мегӯяд, дар мулоқот ҳамчунин ба масъалаи густариши ҳамкориҳои байнипарлумонӣ миёни Маҷлиси намояндагони Тоҷикистон ва Конгресси Амрико таваҷҷуҳ зоҳир карда шуд.
Шукурҷон Зуҳуров роҷеъ ба раванди демократикунонии ҷомеа ва таъмини волоияти қонун дар кишвар ибрози назар намуда, изҳор доштааст, ки бо гузашти солҳо таҷрибаи қонунофарии вакилони Маҷлиси намояндагон боз ҳам ғанитар гардида, онҳо талош мекунанд, ки санадҳои ҷавобгӯи меъёрҳои ҷаҳониро таҳия ва қабул кунанд. “Элизабет Инга Миллар дар навбати худ хостори густариши ҳарчи бештари ҳамкориҳои байнипарлумонии кишварашон бо парлумони Тоҷикистон шуда илова намудааст, ки Маҷлиси намояндагони Тоҷикистон дар раванди демократикунонии ҷомеа имрӯз нақши калидӣ мебозад”,-изҳор дошт Султонов. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
