14 дек 2016 12:28Тоҷикистон / Иқтисодӣ / Рӯ ба рӯ / Тема дня

40 дирами мусофир + 40 дирам...=94 миллион сомонӣ дар 11 моҳ

Нақлиёти мусофирбар дар Душанбе тайи 11 моҳи соли равон ба 235,9 миллион мусофир хидмат расондааст, ки нисбати ҳамин давраи соли гузашта ҳудуди 1 фоиз зиёд мебошад.

Ин нукта дар ҳисоботи солонаи Маҳмадсаид Убайдуллоев, раиси шаҳри Душанбе зикр шудааст, ки нусхаи он дар ихтиёри “Озодагон” қарор дорад.

Убайдуллоев мегӯяд, тибқи шартнома ба воситаи 4 корхонаи коммуналии нақлиётии шаҳрӣ ва 21 ҷамъияти хусусӣ дар 93 хатсайр ҳамарӯза ба ҳисоби миёна 197 автобус, 60 троллейбус, 50 микроавтобус ва беш аз 2200 воситаи нақлиёти мусофирбари бахши хусусӣ ба мусофиркашонӣ машғуланд.

Раиси Душанбе таъкид кардааст, ки масъалаҳои ҳалталаб дар ин соҳа пеш аз ҳама сифати хизматрасонӣ ба мусофирон, ба хусус риояи одобу фарҳанги ҳамида, кам кардани анбӯҳи воситаҳои нақлиёт дар хатҳои сайр, беҳтар намудани вазъи техникӣ ва таъмини бехатарии ҳаракат дар роҳҳо мебошанд. Ӯ ба мусофирон маслиҳат додааст, ки барои ҳифзи ҳуқуқҳои худ аз хилофкории ронандаҳо тариқи рақамҳое, ки дар мусофирбарҳо насб шудаанд, ба мақомот занг зананд.

Ин дар ҳолест, ки ба гуфтаи сокинон надодани 40 дирам бақияпулии мусофирон дар Душанбе тайи солҳои охир маъмулӣ шудааст ва ронандаҳо ба ҷои 1,6 сомонии қонунӣ 2 сомонӣ ва баъзан аз он ҳам бештар роҳкиро мегиранд. Ба гуфтаи коршиносон агар ҳар яке аз 235,9 миллион мусофир, ки давоми 11 моҳ аз нақлиёти ҷамъиятӣ истифода кардааст, 40 дирами барзиёд дода бошад, дар маҷмуъ роҳкирои барзиёде, ки ронандаҳо тайи ин муддат гирифтаанд, ба 94 миллиону 400 ҳазор сомонӣ баробар мешавад.

Мӯҳр

Хабарҳои монанд:

вп

Кадом боакл тарифро 1,6 сомони мукаррар кардааст? Ин кадар тангаву бакияро аз кучо мееби? 1 ё 2 сомони мукаррар кунед.

Ҷавоб диҳед Иқтибос Шикоят

Abdulaziz

чи хел ман дар маршруткаи 11 мешинам як сомони метиам. нархашам як сомони нависта шудаасту)))))

Ҷавоб диҳед Иқтибос Шикоят

сорбон

барои услугаи басифат нархро бардоштан даркорай. баьд як сохтори нвзорати бошад халос шоферо аз ГАИ, раисои чамьият ва.... безор шудагиян а мардум аз ронандахои беакл... як чизи дигар ами ки маданяти мову мусофиро ки баланд нест барои баьзе аминь хел рафтор мекунан

Ҷавоб диҳед Иқтибос Шикоят

Roila

40 дирамата металаби ку ай маршрутка мебароран пеш мекнан туя, попробуй ба вайхо 60 дирам те барои 40 дирами худашон чанг мекунанд, дигархора барои 40 дирам пурсиданаш хасис меноманд, 1,60 дирам додан даркор ё 80 дирам ними рах

Ҷавоб диҳед Иқтибос Шикоят

душанбе шахр

бисйор хуб мешуд 1 60 дирам гиранд аммо баъзеашон саркаши мекунанд ба ракамхои дар мошинхо будахам занг задем ягон чорачуйи нашуд

Ҷавоб диҳед Иқтибос Шикоят

Садриддин

Ман як пешниход дорам ! Дар хакикат масъалаи бакияпули аз хисоби танга як проблема барои ронандахо шудааст. Барои хамин таклиф дорам. Бигзор бакия аз як сомона ва дусомона надиханду факат ки аз меъёр зиёд, яъне дар чойхои нишасти мусофирон ба чои се кас чор нафари нагиранд, то ин ки бахазур нишини. Ба хусус дар фасли зимистон. Баъзе вакт хато чунбида наметавони ё нафасгир мешави . Боки казоват ба Шумо мухтарам мусофирон,,,,,,,,,,

Ҷавоб диҳед Иқтибос Шикоят

душанбе

хамин як системаи мусофиркаширо бо тартиб оварда наметавоннанд. ачиб.

Ҷавоб диҳед Иқтибос Шикоят

Эзоҳ илова кунед