05 дек 2016 14:47Тоҷикистон / Сиёсат / Дидгоҳи хос / Тема дня

Даъвои зани солхӯрда алайҳи Ёров: Маро гаравгон гирифт

Аслия Ниёзова, як зани 70-сола, сокини шаҳри Душанбе алайҳи Бузургмеҳр Ёров, адвокати маҳкумшуда ба 23 соли зиндон, даъвои нав пеш гузоштааст.

Хосият Ёрова, хоҳари Бузургмеҳр дар суҳбат ба “Озодагон” гуфт, ин зан даъво дорад, ки гӯиё Ёров ӯро латтукӯб кардаву 5 соат гаравгон гирифтааст: “Соли 2007 низ ин зан вобаста ба қаллобӣ аз болои Бузургмеҳр шикоят кард, аммо дар пайи тафтиш мурофиаи судӣ ба фоидаи Бузургмеҳр ҳал шуд. Акнун ин зан боз даъво кардааст”.

Даъвои нав алайҳи Ёров дар ҳоллест, ки феълан алайҳи ӯ се парвандаи нав, аз ҷумла бар асоси моддаҳои 350 (беэҳтиромӣ нисбати суд) ва 330 (таҳқири намояндаи ҳокимият) ифтитоҳ шуда, дар назар аст, рӯзҳои наздик баррасӣ шаванд.

Хосият Ёрова мегӯяд барои парвандаи нави сеюм, ки бо иттиҳоми қаллобӣ ифтитоҳ шудааст, адвокат надоранд: “Дигар маблағ надорем. Муфаттиши парванда гуфт, адвокати давлатӣ гирем. Барои адвокати давлатӣ дархост равон шуд. Ягон адвокат розӣ нашуда истодааст, ҳеч кас парвандаро ба уҳда намегирад”.

Маврид ба зикр аст, ки 6 октябри соли равон Додгоҳи шаҳри Душанбе Бузургмеҳр Ёровро барои 23 сол равонаи зиндони низомаш пӯрзур намуд. Бо ҳукми додгоҳ амволи ӯ комилан мусодира шуда, худаш баъди раҳоӣ 5 сол аз ҳаққи кор дар ташкилоту идораҳо маҳрум мегардад.

Ба иттилои наздикон Додгоҳи Олии Тоҷикистон баррасии шикояти кассатсионии Ёровро то соли 2017 мутаваққиф кардааст.

Мӯҳр

Хабарҳои монанд:

Анвар

Аз Худо шарм дор

Ҷавоб диҳед Иқтибос Шикоят

Хакгу

Э БАХУДОВУ БАХУДО ХАМААШ ДУРУГУ ХАМААШ ХИЛЛА.
О ХУКМИ КАТЛАШ ДИХЕД ТО ИН КИ ДИЛАТОН КАРОР ГИРАД.

Ҷавоб диҳед Иқтибос Шикоят

инсоф

э худо ин чи шкэурест дар ин даври камар мебинам...
да точикистон одами босаводу дурустандешро тухмати нохак мекунанд ё Аллох охир шмо инсон хастед озодии баёна умуман намебинам дар ТЧ

Ҷавоб диҳед Иқтибос Шикоят

Султонби

Шарм бояд дошт хичолат бояд кашид!!!! Точикро дар Руссия мекушанд бо вахшоният, точикро бо тухматхои бечо ( барои беэхтироми....) зиндон мекунед. Як бор ба худатон суол бимкунед, шумо лоики эхтиром хастед ки мардум шуморо эхтиром бикунад. Агар як нафар русро дар Точикистон бо зуровари бикушанд медонед шумо хукуматдоронро русхо чи кор мекунанд? Мумкин шумо точик хам нестед.
Бехтар аст шумо тамоми мардуми точикро зиндон бикунед, ба чойи ин ки зарра зарра беобру карда бикушен. Миллати точикро беобру кардед, масхараву шарманда кардед, гурури мардумро шикастед. Дар КВН Русия точиконро ба унвони гуломи Русия эълом карданд.

Ҷавоб диҳед Иқтибос Шикоят

Эзоҳ илова кунед