28 окт 2016 17:22Тоҷикистон / Иқтисодӣ / Тема дня

Бонки Миллӣ: Дору-15%, газ-28%, либос-17%, иҷора-6%... қиммат шуд (АКС)

Бонки миллии Тоҷикистон мегӯяд, сатҳи таваррум дар моҳи сентябр 0,4%-ро ташкил дода, нишондоди солонааш ба 6,4 фоиз баробар шудааст.

Дар ин бора Бонки Миллӣ имрӯз, 28-уми октябр хабар дода, дар шарҳи он тағйирёбии нархи молу хизматрасониҳоро дар Тоҷикистон тайи 12 моҳи охирро зикр карданд.

Ба иттилои ин ниҳод нархи хизматрасониҳои нақлиёти мусофирбар 9,9 фоиз, маишӣ 8,1%, алоқа-0,1%, маориф-12,1%, иҷорапулии манзил-5,9% ва манзилию коммуналӣ-5,8% боло рафтааст: “Тайи 12 моҳи охир маҳсулоти ғайрихӯрокворӣ, аз ҷумла гази моеъ 28,1 фоиз, либос ва пойафзол 16,9 фоиз, доруворӣ 15,0 фоиз қиммат шудааст”.

Ба иттилои манбаъ маҳсулоти ғизоӣ, аз ҷумла шакар 21,7 фоиз, равған 11,9 фоиз боло рафтааст, ки ба тағйирот дар бозори ҷаҳонӣ рабт дода мешавад: “Дар баробари ин тухм-0,8%, гӯшт ва маҳсулоти он-2,4%, нон ва маҳсулоти нонӣ-1,5% арзон шудаанд”.

Бонки миллӣ таъкид намуд, ки сатҳи муътадили талаботи дохилӣ ва устувории қурби пули миллӣ ба авҷ наёфтани таваррум мусоидат намуда истодааст. Ин ниҳод пешгӯӣ кардааст, ки “интизор меравад, дар моҳҳои октябр-декабри соли равон бо дарназардошти болоравии ба нақша гирифташудаи нархҳои хизматрасонии обтаъминкунӣ ва нерӯи барқ, меъёри таваррум дар доираи нишондиҳандаи пешбинишуда 7,0 фоизи солона ҷамъбаст хоҳад ёфт”.

Мӯҳр

Хабарҳои монанд:

савдогар

тухм 70 дирам буд, 90 дирам шуд, чанобон.

Ҷавоб диҳед Иқтибос Шикоят

ali

Нафахмидам ин бонкимиллиай ё вазорати молия?

Ҷавоб диҳед Иқтибос Шикоят

Барзу

Чаро нархи тухми ватани якбора боло рафта? Холо бо нархи 90 дираи тухми Хучанд дар дуконхои Душанбе дар фуруш аст. Тухми Файзиободу дигараш кучо шуцд?...

Ҷавоб диҳед Иқтибос Шикоят

илҳом

Ба пулҳои аз суратҳисобҳои мардум гирифтаашон маводи озуқаву молу маҳсулот хариданд. Ана акнун бо нархи гарон боз ба мардум мефурғшанд.

Бизнеса ана ин хел мекунанд. Мо дар банди орзуву хаёл хандида гаштем.

Ҷавоб диҳед Иқтибос Шикоят

Душанбенец.

Як давлати бесохиб хар чи шуданаш мумкин.

Ҷавоб диҳед Иқтибос Шикоят

Эзоҳ илова кунед