28 окт 2016 15:07Тоҷикистон / Сиёсат

Дастури Убайдуллоев: То 16 ноябр дар хонаҳо парчам насб шавад

Маҳмадсаид Убайдуллоев, раиси шаҳри Душанбе барои таҷлили бошукуҳи Рӯзи Парчам, ки ҳамасола 24-уми ноябр ҷашн гирифта мешавад, дастур додааст.

Тавре аз дафтари матбуоти шаҳрдорӣ иттилоъ доданд, тибқи барномаи тасдиқкардаи Убайдуллоев чорабинии асосии идона 24-уми ноябр соати 10:00 дар Майдони Парчами давлатӣ баргузор мешавад.

Раиси Душанбе раисони навоҳиро муваззаф кардааст, ки ороиши идонаи биною муассисаҳоро новобаста аз шакли моликият таъмин карда, то 16-уми ноябр дар боғу хиёбонҳо ва биноҳои истиқоматӣ парчам насб кунанд. Инчунин супориш шудааст, ки нақлиёти мусофирбар бо парчам ороиш дода шуда, ба муносибати Рӯзи парчам мизҳои мудаввару мусобиқаҳои варзишӣ гузаронда шаванд.

Дастури насби парчам дар хонаҳои истиқоматӣ дар ҳолест, ки ахиран вакилони Маҷлиси намояндагони Тоҷикистон бо қабули тағйиру иловаҳо ба қонун дар бораи рамзҳои давлатӣ иҷозат доданд, ки шаҳрвандон аз парчами миллӣ истифода намоянд.

Мавлуда Қаландарзода, вакили парлумон, ки имрӯз 12-уми октябр тағйироти мазкурро дар ҷаласа муаррифӣ намуд, дар суҳбат бо “Озодагон” гуфт, минбаъд шаҳрвандон ҳуқуқи истифодаи парчами миллиро дар хонаҳояшон доранд. Вакилон маконҳоеро, ки дар он барои истифодаи парчами миллӣ иҷозат аст, бештар намудаанд. Ба гуфтаи Қаландарзода шаҳрвандон метавонанд бо ҳисси ифтихор парчамро дар хонаю корхонаҳои худ насб кунанд.

Мӯҳр

Хабарҳои монанд:

darvesh

ЭЭЭЭ Офаринннннн!!!!!! Қанд занед. Ана инро бозёфти асри 21 мегуянд. Як аз роҳҳои асосии халосӣ аз буҳрони иқтисоди. Ҷаноби Убайдуллоев барои ин бозёфт ба ҷоизаи Нобел пешниҳод ва ба китоби Гиннес дохил карда шавад. Як ҷаҳон ташаакур!!!!!!!!!!!

Ҷавоб диҳед Иқтибос Шикоят

dtgcxig rivc nbwka

Барои мо мардуми бекору бемаош парчам марчам лозим нест, ба зимистон тайёри бинед, ки мардуми хорузор дар хонахои бетони намурад, асоси кор ин гамхори ба халк аст на авомфиребиву худнамои ва сохтакори, рости гап вакти он расидаст, ки бо обруи мухаммади курсиро тарк намуда ба ягон шогирди вафодору чавони босавод супоред инсони окил набояд вазифадустор шуда солхо шинад

Ҷавоб диҳед Иқтибос Шикоят

Мухочир

Ба чои парчамбози Точикистонро бокувваи барк таъминкунед.
Бо ки даркораст парчами 100 000 мета шумо.

Ҷавоб диҳед Иқтибос Шикоят

Анвар

Намншавад хамин маблагхое ки дар ин чорабини сарфаш мекунед ба мардуми камбизоат таксим кунед?

Ҷавоб диҳед Иқтибос Шикоят

ayyub

Дастоварди ҳукумати раҳмон дар муддати 25 сол ҳамин чашни парчаму чашни харбузаву асал аст тамом ва ссалом.

Ҷавоб диҳед Иқтибос Шикоят

Илҳом

Шумо - Анварҷон аз ҳамин Тоҷикистони худмонӣ? Бояд ин масъалаҳоро барвақт мефаҳмидӣ.
Агар ин маблағҳоро ба камбизоатҳо тақсим карда диҳанд, чӣ хел худашон соҳиби пули нақд мешаванд?
100 парчам мехаранду 259 парчам менависанд. Ана баъд маишата бин-э.

Ҷавоб диҳед Иқтибос Шикоят

ayyub

Салом

Ҷавоб диҳед Иқтибос Шикоят

Ҳоҷӣ

dtgcxig rivc nbwka.Хато кардед, ҷавони хуб! Ватандустон дар руи курсии мансаб мемуранд. Аз Ленину Сталин ибрат мегиранд

Ҷавоб диҳед Иқтибос Шикоят

Эзоҳ илова кунед