25 окт 2016 08:39Тоҷикистон / Иқтисодӣ

Шикояти омӯзгорони Кӯлоб: 2 моҳ аст маош нагирифтаем

Як гуруҳ аз омӯзгорони мактаби №36-и ҷамоати Зираки ноҳияи Кӯлоб мегӯянд, ду моҳ аст, ҳақмузди худро нагирифтаанд.

Дилрабо Гадоева, яке аз ин омӯзгорон ба “Озодагон” гуфт, моҳи дуюм аст, ки маоши худро дарёфт накардааст ва масъулин далели онро ҳам нагуфтаанд. Ӯ мегӯяд, мудири мактаб ва муҳосиби он ҳамеша ваъдаи имрӯзу фардо мекунанд, аммо аз маош дараке нест. Хонум Гадоева афзуд, аз сабаби зиёд шудани қарзаш аз мағозаҳои деҳа дигар иҷоза надорад маҳсулотро насия бигирад: “Дирӯз дар мағозае, ки ҳамеша қарз мегирифтам, савдогар равғанро аз дастам кашида гирифт. Гуфт, ки қарзат бисёр шудааст, дигар қарз намедиҳам. Хеле нороҳат шудам”.

Як омӯзгори дигари ин мактаб бидуни ифшои номаш таъкид намуд, бештари муаллимон танҳо бо маош рӯз мебаранд ва нагирифтани музди меҳнат зиндагии онҳоро мушкил кардааст: “Оилаи баъзеаш калон аст ва танҳо ҳамин муаллим онҳоро таъмин мекунад. Акнун тасаввур кунед, ки ду моҳ аст, маош нест”.

Сайфулло Лақаев, муаллими дигар мегӯяд, “ҳамсари ман духтур шуда кор мекунад ва ҳоло бо маоши ӯ зиндагиро пеш мебарем”.

Рустам Иззатов, мудири мактаби №36 дар суҳбат ба “Озодагон” тасдиқ кард, ки ду моҳи ахир муаллимон маоши худро нагирифтаанд. Ба гуфтаи ӯ, рӯзҳои наздик ин мушкил бартараф хоҳад шуд: “Ин мушкил танҳо дар мактаби мо нест. Дар шаҳру ноҳияи Кӯлоб омӯзгорони 15 мактаб ҳанӯз маоши худро нагирифтаанд”.

Раёсати молияи шаҳри Кӯлоб мегӯяд, ин мушкил бо айби муҳосибони мактабҳо ба миён омадааст. Аз ин ниҳод ба “Озодагон” гуфтанд, “муҳосибони мактаб дар муҳлати муқараршуда варақаҳои худро пешниҳод намекунанд ва ин боиси дер гузаштани пул ба ҳисоби мактабҳо мешавад. Мо аз рӯи феҳраст ба мактабҳо маблағ мегузаронем”.

Мӯҳр

Хабарҳои монанд:

Omar mohammed ali

Пах,Маоша чи кор мекунен ;чаноби оли, хаст ку!!!

Ҷавоб диҳед Иқтибос Шикоят

ВИРКАН

Ё тоба, о уун рузако раксу бозиву чашну сурур ва шукргузорихои бехамто аз комёбихои беназир, аз хаёти фаровону пур аз неъмату хушбахти доштед, бо чилваи парчаму бо чилои нишонхо тую сур кардед, акнун боз чи шуд, ки аз маоши думоха шикоят мекунед. О аввали хамин мох хамаатон раксу бози доштеду??? Ё тавба намедони ба чиву ба ки бовар куни-еее?

Ҷавоб диҳед Иқтибос Шикоят

Беном

Ба ВИРКАН ва Omar mohammed ali. Ба фикр хамун маракара тамошо карда аз бахилира кафидестен!!!!!!!!!!!!!!!!!!!!!!!!!!!!!!!!!!!!!!!!!!!!! даркор шава бо пагох ташкил мекнем зик нашавед.......................

Ҷавоб диҳед Иқтибос Шикоят

Эзоҳ илова кунед