24 окт 2016 16:49Тоҷикистон / Иҷтимоӣ

Зикри ВКД аз аввалин милисазан, нахустин вазир ва нафаре, ки 18,5 сол вазир буд

Вазорати умури дохилии Тоҷикистон дар бораи аввалин милисазани тоҷик, аввалин вазири умури дохилӣ ва нафаре, ки аз ҳама бештар дар курсии вазири умури дохилии Тоҷикистон нишастааст, иттилоъ дод.

Тибқи иттилои Вазорати умури дохилӣ, Абдулло Ёрмуҳаммадов аввалин вазири корҳои дохилии Тоҷикистон дониста мешавад: “Номбурда ҳамчун шахси кордида, соҳибтаҷриба ва «Комиссари оҳанин» маълум буда, 14-уми декабри соли 1924 ба вазифаи Комиссари халқии корҳои дохилии Ҷумҳурии Мухтори Шӯравии Сотсиалистии Тоҷикистон таъин гаштааст. Давраи роҳбарии Абдулло Ёрмуҳаммадов солҳои 1924 то 1927-ро дар бар мегирад”.

Зикри ВКД аз аввалин милисазан, нахустин вазир ва нафаре, ки 18,5 сол вазир буд

Вазорати умури дохилӣ афзуд, Улуғбибӣ Саидова зодаи шаҳри Конибодом аввалин милитсионерзани тоҷик ба ҳисоб меравад: “Ӯ дар синни 25-солагӣ шавҳарашро, ки дар шӯъбаи милитсия кор мекард, аз даст додааст. Шавҳари ӯро босмачиён ба қатл расонида, ӯ бо 4 фарзандаш танҳо мемонад. Ин зани далеру шуҷоъ пас аз марги шавҳараш қарор кард, ки милитсионер шавад. Сардори шӯъба пас аз сӯҳбат бо ӯ таъкид намуд, ки кори милитсия занона нест ва он хеле хавфнок мебошад. Вале Улуғбибиро аз раъйаш гардонида натавониста, ночор ба кор қабул намуд”.

Зикри ВКД аз аввалин милисазан, нахустин вазир ва нафаре, ки 18,5 сол вазир буд

Нафаре, ки дар таърихи мақомоти умури дохилии Тоҷикистон аз ҳама бештар роҳбарии ин ниҳодро ба уҳда доштааст, генерали хизмати дохилӣ Бобо Маҳкамов мебошад. Тибқи иттилои манбаъ Маҳкамов ба ҳайси вазири корҳои дохилии Тоҷикистон 18 солу 7 моҳу 22 рӯз (солҳои 1954-1972) фаъолият кардааст: “Дар давраи роҳбарии Бобо Маҳкамов мақомоти корҳои дохилии Тоҷикистон, чӣ аз ҷиҳати базаи моддӣ-техникӣ ва чӣ аз ҷиҳати захираҳои кадрӣ хеле пурқувват гардида, нуфузи мақоми милитсия дар байни аҳолӣ бештар гардид”.

Мӯҳр

Хабарҳои монанд: