24 окт 2016 10:30Тоҷикистон / Иҷтимоӣ / Дидгоҳи хос / Тема дня

Муъминобод: Имомхатибе, ки аз ҳисоби замину боғ ба хонандаҳо “стипендия” медиҳад...

Иноятулло Абдуллоев, имомсхатиби деҳаи Ғеши ноҳияи Муъминобод 9 сол мешавад, ки ба хонандаҳои фаъоли ноҳия аз ҳисоби худ идрорпулӣ ё “стипендия” медиҳад.

Абдуллоев дар суҳбат ба “Озодагон” гуфт, ин корро барои руҳбаланд кардани толибилмон анҷом медиҳад: “Ҳарчанд пули ночиз ҳам бошад, аммо бо ин васила мехоҳам онҳо ҳавасманд шуда, хуб дарс бихонанду дар оянда кадрҳои лозим гарданд”.

Иноятулло Абдуллоев афзуд, ӯ замин ва боғ дорад ва аз ҳисоби онҳо ба хонандаҳо идрорпулӣ медиҳад. “Бо қадри имкон барои таъмири мактаби деҳаи Ғеш ёрӣ медиҳам”,-афзуд ӯ.

Сокинони ноҳияи Муъминобод мегӯянд, Абдуллоев борҳо барои обод намудани роҳҳои таъмирталаб маблағ додааст ва ба камбағалону ниёзмандон пайваста дасти ёрӣ дароз мекунад. Абдулло Раҷабов, мудири бахши ҷавонон, варзиш ва сайёҳии ноҳия ба “Озодагон” гуфт, ҳоло идрорпулии имомхатибро 5 хонандаи ноҳия, ки дар мактабҳои гуногун таҳсил мекунанд, дарёфт мекунанд: “Як варзишгардухтар ҳам, ки соли гузашта мактаби миёнаро хатм намуда, устоди варзиши қаиқронӣ ҳаст, кумак мегирад. Ҳоло ин варзишгар дар курси аввали Донишкадаи тарбияи ҷисмонӣ таҳсил мекунад”.

Муъминобод: Имомхатибе, ки аз ҳисоби замину боғ ба хонандаҳо “стипендия” медиҳад...

Муъминобод: Имомхатибе, ки аз ҳисоби замину боғ ба хонандаҳо “стипендия” медиҳад...

Худи Матлуба Раҳматова, устоди варзиш мегӯяд, ин амали Иноятулло Абдуллоев барои талошҳояш дар роҳи расидан ба муваффақият нақши бузург дошт: “Медидам, ки дигарон низ кушиш мекарданд, то бо баҳои аъло хонда, сазовори гирифтани “стипендия”-и ӯ гарданд. Соли гузашта ман соҳиби медали тилло гашта, устоди варзиш дар риштаи қаиқронӣ гардидам”.

Ба омори бахши ҷавонон, варзиш ва сайёҳии ноҳияи Муъминобод, Ҳоҷӣ Иноятулло дар як сол барои “стипендия” ва чорабиниҳои бахши ҷавонон, варзиш ва сайёҳӣ бештар аз 5 ҳазор сомонӣ пешниҳод мекунад.

Мӯҳр

Хабарҳои монанд:

ОЗОДИ

Бисёр кори хуб мекунад ин имомхатиб ва аз озодагон мепурсам, ки 9 сол пеш чаро ин кори хуби Имомхатибро руи сахфаи Озодагон ба чоп нарасонда акнун пешниходи бинандагони худ карда истодаи? Агар чоп накунед хамин суханони маро Шумо хам оянда надоред.

Ҷавоб диҳед Иқтибос Шикоят

Садриддин

Худованд лутфу карамашро ба Шумо арзони дорад бо ин амалатон.
Кош дигар хочиёнам ин амали некро дастгири мекаданд.

Ҷавоб диҳед Иқтибос Шикоят

Аличон

Саломату хона обод боши Бобои Хочи. Ман бисёр хурсанд шудам ба хамин хайру сахое, ки Шумо мекунед, Худован аз инда зиёдаша бидихад. Бобои Хочи агар имконятатон бошад дар сафи хамин писарони "стипендия"-гир ячанд ятимбачахои бепадар, бемодар ё ин ки ятимони кулро хамрох мекардед, баракати Худованд ба Шумо бехад зиёда мегардид. Худованд баракаташро дар кори Шумо дихад. Саломату сарбаланд бошед Бобои Хочи.

Ҷавоб диҳед Иқтибос Шикоят

Сарабек

Ана ин кор, ана химмату саховат! Муллохои дигар ибрат гиранд. Имом хатибони дигар нигох мекунанд, ки аз кисаи одамон чанд пул мебарояд.

Ҷавоб диҳед Иқтибос Шикоят

адл

АЛЛАH баракашон дихад ин хел одамхо бисёр алхамдуллилах факат намехоханд ки ягонкас амалашона донад

Ҷавоб диҳед Иқтибос Шикоят

Холдор

Чароки ин имомхатиб бо доштани бог ин кудрата дораду хукуматдорони мо бо доштани давлату сарват ба як кори хайр даст намезананОЗОДИ,

Ҷавоб диҳед Иқтибос Шикоят

ислом

Бобои Хочи Худованд дар корхоят аз инда зиедтар баракат дар хонадонат резад. Хуб мешуд бобои Хочи идрорпулиро бисертар ба фарзандони бекасу наво равона созед. Дигар Хочиен ва Имомхатибони масочид аз чунин хайр кардани Бобои Хочи ибрат гиред. Дасти ери дароз кардан ба бенавоену бесаробондагон бехтарин савобест дар дини Ислом .

Ҷавоб диҳед Иқтибос Шикоят

Эзоҳ илова кунед