18 окт 2016 14:35Тоҷикистон / Сиёсат / Тема дня

Ҷонибдории Эмомалӣ Раҳмон аз тағйирот дар “Озодагон”

Эмомалӣ Раҳмон, раисиҷумҳури Тоҷикистон моҳи равон бо имзои як қарори ҳукумат аз тағйири номи бархе маҳаллаҳои аҳолинишини Суғду Хатлон ҷонибдорӣ кардааст.

Тибқи қарори ҳукумат, вакилони вилояти Суғд пешниҳод кардаанд, ки номи шаҳрчаи Пролетари ноҳияи Ҷаббор Расулов ба Меҳробод ва деҳаи Қарақчиқуми ҷамоати Лоҳутии шаҳри Конибодом ба Ҷаҳонзеб иваз карда шавад.

Инчунин вакилони вилояти Хатлон пешниҳод кардаанд, ҷамоати деҳоти “Арал”-и ноҳияи Абдураҳмони Ҷомӣ ба номи Қадриддин Ғиёсов, ҷамоати деҳоти “Сайёд”-и Шаҳритус ба ҷамоати деҳоти ба номи Талбак Садриддинов гузошта шавад. Дар баробари ин вакилони халқӣ хостаанд, номи бархе аз деҳоти ҷамоати “Озодагон”-и ноҳияи Панҷ низ тағйир ёбад: “Аз ҷумла номи деҳаи Бешқудуқи ҷамоати деҳоти “Озодагон” ба Навшод иваз карда шавад. Дар ноҳияи Панҷ инчунин номи деҳаи Хоҷа-қучқор ба Чорсу, Бурбулоқ ба Чашма, Тугаланг ба Чаманистон, Қирғиз ба Ҳамдилон ва номи Кулдимон ба Кулдоман иваз карда мешавад”.

Ҳукумати Тоҷикистон тағйироти мазкурро тасдиқ карда, барои баррасӣ ба Маҷлиси Миллии кишвар пешниҳод кардааст.

Мӯҳр

Хабарҳои монанд:

кали ахмак

Чахонзеб ????? Ё тавбаа. И чи ном аст бо ??? Наход озодагон аз чахонзеб хам пастар бошад ???
Пешниход мекунам,ки Пешвообод ё Шукронаобод номгузори-шавад!!!!

Ҷавоб диҳед Иқтибос Шикоят

Шайдуло

Офарин шумо ба гап нест як намуд сарлавха мондаед,ки дар хайрат мондам. Ман фикр кардам,ки гап дар бораи хабаргузории Озодагон меравад аммо гап дар бораи чамоати Озодагон будааст. Офарин ба шумо рузноманигорон

Ҷавоб диҳед Иқтибос Шикоят

Амончон

Озодагон хонандаатро фиреб мадех! барои чалби хонанда сарлавхаи дигаре наёфти. Корат хилофи конуни матбуот аст. Значит ту моро эхтиром намекуни!

Ҷавоб диҳед Иқтибос Шикоят

Рустам

Сайёд чй бадй дошт, ки бо Талбак ивазаш мекунед?

Ҷавоб диҳед Иқтибос Шикоят

Окилшо

Хой вакилони Чамоати Сайёди нохияи Шахритус калла доред, ё не. О Сайёд решаи таърихи ва шугли асосии сокинони шумо мебошад. касри фарханг ё ягон мактабро ба номи Талбак гузоред хуб мешавад!!!!!!!!!!!!

Ҷавоб диҳед Иқтибос Шикоят

РОСТИН ш. Душанбе.

Дар мавриди номгузори мо бояд хеле эхтиёткор бошем. Гузаштагони мо хеч кадоме гулу гумрох ва нодон набуданд, ки аз хавою хавас ном гузоранд, балки онхо хамаги мушохидакору рамуздон ва гавхаршинос буданд. Ягон деха ё маконеро бесабабу бехуда номгузори намекарданд. Дар хар ном албатта сабабу алокамандиеро мечустанд.
Дигар ин ки ба чизхои майда чуйда эътибор надихем. Кулдимонро Кулдоман кардани мо чи маъно дорад? Ин хамон Кулдоман асту таъгир хурда, суфтаю мустахкам шудааст. Мардум инро ба зуди кабул намекунанд. Бехтар он аст ки ба номхое, ки мохияти таърихию илми доранд, даст нарасонем. Зеро бо ин амаламон метавонем, моияти таърихию илмии баъзе аз номхоро аз байн бубарем. Дар ёдам хаст, ки як деха Учкул ном дошт, онро ба Седара иваз карданд, вале аз ин таъгирот дах сол гузашта бошад хам, то хол ягон як кас хам онро Седара ном набурдааст. Метарсам, ки инхо хам чунин нашаванд.

Ҷавоб диҳед Иқтибос Шикоят

Эзоҳ илова кунед