26 сен 2016 11:41Тоҷикистон / Дин ва зиндагӣ

Посухи Шӯрои уламо ба пешниҳод барои суд кардани мунтақидони Паёмбар

Дар пасманзари иддао, ки бархе аз донишмандони тоҷик ба таҳқиру тавҳини дин ва паёмбари Ислом дар интернет даст мезананд, корбарони сомонаи Шӯрои уламо аз ин ниҳод хостаанд, чунин афродро ба додгоҳ бикашад.

Як корбари сомонаи Шӯрои уламо, ки худро Сорбон муаррифӣ кардааст, изҳор доштааст, ки “имрӯз баъзе зидди Паёмбар (с) мақола менависанд ва ихтилофи диниро бармеангезонанд. Шумо ҳамчун масъули мазҳабии кишвар онҳоро ба додгоҳ намекашед? Аз додгоҳ талаб кунед бо сахтарин ҳукм муҷозот шаванд. Чунки инҳо дидаву дониста муқаддасоти моро зери по мекунанд ва таҳқиру тавҳин мекунанд”.

Шӯрои уламо ба пешниҳоди ба додгоҳ кашидани муаллифони матолиб алайҳи Паёмбар чунин посух додааст: “Бародари азиз, дини Ислом дини сулҳу сафо, муҳаббату самимият ва ахлоқи волои инсонӣ аст. Албатта дар ҳар асру замон душманон нисбати ин дини поку ростин кинаву адовати худро ошкор месозанд ва суханони таҳқиромез мегӯянд, аммо дар баробари ҳамаи ин бархӯрдҳои манфӣ ин дини осмонӣ ва инсонпарвар бо равиши ҳикмату насиҳат ва панду андарзи некӯ муносибат мекунад. Чунончи дар аҳодиси набавӣ ривоят шудааст, ки Расули Худо (с) ҳеҷ вақт барои худ интиқом намегирифтанд ва бо ахлоқи накӯи худ бо мардум муошират мекарданд. Аз ҳамин сабаб бисёр касоне, ки ба Пайғамбар (с) душманӣ меварзиданд, бо мушоҳидаи ин ахлоқи волои ӯ кинаву адоваташон ба ихлосу муҳаббат мубаддал мешуд. Ин ҳамон ҳадафе аст, ки дини Ислом онро мехоҳад”.

Мӯҳр

Хабарҳои монанд:

Нои

Ин тавр бошад, барои тавҳини ҳама паёмбарон муҷозотро шадид кунед.
Ҳамаи паёмбарон пеши оллоҳ азизанд.

Ҷавоб диҳед Иқтибос Шикоят

Devona

"Чунки инҳо дидаву дониста муқаддасоти моро зери по мекунанд ва таҳқиру тавҳин мекунанд”.

Magar dinu oini pesh az Krismasi mo tojikon ,mukaddasot nabud?Sarzaminhoi az dast rafta mukaddasot nabud?Nomi millate,ki buzurgoni tamomi sohahoro dod ,vale holo zeri poj afkanda shud, mukaddasot nest?Baroi chi tojik baroi tojik mukaddasot nest...? Baroi muhofizati oini a'rob ba pesh ,ba sui dashthoi pur az sustmorho!!!

Ҷавоб диҳед Иқтибос Шикоят

Рустами Фаррухзод

Ин Сорбон бояд номашро ба Абухурайра иваз кунад садкаи номи Сорбони шави ки накдро аз тахкир фарк намекуни

Ҷавоб диҳед Иқтибос Шикоят

Ахмад

Ачиб танкиди раисчумхур газаби худоро меовардасту аз пайгамбар хеч. Ё шояд айб дар муфтист?

Ҷавоб диҳед Иқтибос Шикоят

Мусо

Оре тамоми пайгамбарон назди Аллох азизанд ва инчунин назди мусалмонон,магар назди Нои.

Ҷавоб диҳед Иқтибос Шикоят

Аброр

Худованд сахтгиру дер гираст.

Ҷавоб диҳед Иқтибос Шикоят

Мир

Шурои уламо касоне ки танкилу тавхин ва айбу нуксони рохбари давлатро мекарданд фавтои "хоину ифроти" ва душману бадбини давлату миллат хонд ва гуфт бояд ба курсии чавобгари нишинанд аммо вакте тавхину тахкири паёмбар с мешавад шуро мегуяд хайр танхо насихатшон кунед хеч гап не,мон гуфтан гирад!

Ҷавоб диҳед Иқтибос Шикоят

Эзоҳ илова кунед