24 сен 2016 14:49Тоҷикистон / Фарҳангу адаб

Раддияи Назарзода: Ҳазфи «Е», «Ё», «Ю» ва «Я»-ро пешниҳод накардаам

Профессор Сайфиддин Назарзода, директори Китобхонаи миллии Тоҷикистон хабари расонаҳои русӣ дар мавриди тағйир додани алифбои тоҷикӣ ва ҳазфи ҳарфҳои «Е», «Ё», «Ю» ва «Я»-ро дурӯғи маҳз хонд.

Назарзода имрӯз, 24-уми сентябр дар суҳбат ба “Озодагон” гуфт, ки ин хабар ҳеч воқеияте надорад ва зарурате ҳам барои чунин тағйирот нест: “Мо, нав, чанд сол пеш ба қоидаҳои имло тағйирот ворид кардем ва ҳоло дар як фосилаи бисёр кутоҳ, дубора ворид кардани тағйирот ба он ҳеч зарурат надорад”.

Такзиби ин хабар аз ҷониби Назарзода дар ҳолест, ки баъзе аз расонаҳои русӣ ӯро муаллифи лоиҳа барои лағви ҳарфҳои йодбарсар хондаанд. Аз ҷумла торнигори kapital-rus.ru бо истинод ба оҷонсии хабарии “Регнюм” навиштааст, ки дар Тоҷикистон мехоҳанд ҳарфҳои «Е», «Ё», «Ю» ва «Я»-ро аз алифбо ҳазф кунанд. Ба навиштаи ин торнамо муаллифи ин лоиҳа Сайфиддин Назарзода мебошад ва дар рӯзномаи ҳукуматии “Ҷумҳурият” ҳам чунин як матлабро нашр намудааст.

Аммо Сайфиддин Назарзода, ки аз ӯ дар хабари kapital-rus.ru бо иштибоҳ директори феълии Институти забон ва адабиёти Академияи илмҳо ном бурда шудааст, гуфт, ки ӯ ҳеч гуна лоиҳа коркард ва дар “Ҷумҳурият” нашр нанамудааст.

Мӯҳр

Хабарҳои монанд:

Донишчу

И Русхо чи мехоханд, аз мо? ё бесаводанд ё чи хадафе доранд, наход инкадар бешармона хабари дуруг пахн намоянд.

Ҷавоб диҳед Иқтибос Шикоят

Юсуф

Aгар ҷаноби Назарзода чунин як пешниҳод мекарданд ҳам, хеле кори савоб мешуд. Якум инки алифбои тоҷикӣ хеле сабук мешуд. Дар он сурат мо метавонистем ба ҷойи калимаи "ятим" - "йатим", ба ҷойи "ёдгор" - "йодгор" нависем. Магар ин чӣ бадӣ дорад? Бояд зикр гардад, ки бо хати тоҷикии арабиасос маҳз ҳамин хел нависта мешавад.
Дуввум инки, тағйирот ба алифбои тоҷикӣ ба русу забони русӣ чӣ алоқа дорад, ки инро онҳо беморвор қабул мекунанд. Ё онҳо ҳоло ҳам ҳар як иқдому амали моро идора мекунанд? Чаро ҷаноби Назарзода як ҷавоби шадиде ба русҳо надодааст? Чаро ба густохӣ ва дахолати онҳо масъулини тоҷик ҳеҷ як ҷавоби муносиб намедиҳанд, даҳони онҳоро напӯшанд, ҳамеша рӯи хотир мекунанд?
Зимнан, модоме онҳо ба кӯчактарин тағйирот дар алифбои тоҷикӣ-русӣ инқадар дахолату таваҷҷӯҳ мекунанд, чӣ мешавад, ки мо рӯзе пурра ба алифбои арабии тоҷикӣ гузарем? Он гоҳ аксуламали рус тасаввурнопазир хоҳад буд, зеро ба назар мерасад, ки Русия тоҷикон ва Тоҷикистонро ҳанӯз ҳам моли худ медонад. Пас, яқинан, як ҷанги шаҳрвандии дигарро инҷо аланга мезанад ё Тоҷикистонро мисли Гурҷистону Украина.мекунад. Худи ҳамин далел сабақест барои руспарастони тоҷику Тоҷикистон. Аз хоби гарон бедор шавед! Рафоқат бо русу Русия оқибати хуб надорад!

Ҷавоб диҳед Иқтибос Шикоят

xonanda

Вокеъан хеч зарурате дар забони точики ба е,ё,ю,я нест,е-ро це,ё-ро йо,ю-ро йу ва я-ро йа навиштан дуруст аст.Вакте ба шогирдони навомуз ин харфхоро меомузед,табиатан йа,йо,йу менависанд,мо чабран ба онхо харди хатои я,ё,ю-ро яд медихем

Ҷавоб диҳед Иқтибос Шикоят

Фаридун

Харф нишони шартиест, ки овози муайянро ифода мекунад. Чи гуна шакл доштани он чандон мухим нест. Забоншиносони мо бачои корхои мухими илми кардан ба имло часпидаанд, ки як кори бехуда аст.

Ҷавоб диҳед Иқтибос Шикоят

Дуруг

Мавзуи аз мантик ва акл берунро пайгири кардед. Бе чавоби хами мардак маълум буд ки ин мавзу сохтаву бофта аст. Агар фарз кардем ки дуруст бо баъд Яхдон- Хдон, Ер- Р, Юнус- Нус, Едбуд- дбуд, язна-зна ва янга - нга шиданш мумкин хахаха

Ҷавоб диҳед Иқтибос Шикоят

точик

бешниход хам мекарданд бад набуд

Ҷавоб диҳед Иқтибос Шикоят

Ibrohim

Ин тагйиротест, ки барои кабули он професори Донишгохи технологии Точикистон, устод Исмоилов Мизроб солхост кушиш мекунанд. Албатта бояд йотбарсархоро аз байн бурд. Ин барои халли мушкилоти компютеркунонии забони мо нихоят муфид аст. Аз Озодагон хохиш мекунам бо ин профессор як мусохибаи махсус ташкил кунед ва далелхои нихоят пурзурро дар ин замина дарёфт мекунед. Каблан миннатдорам!!!

Ҷавоб диҳед Иқтибос Шикоят

Эзоҳ илова кунед