22 сен 2016 11:20Тоҷикистон / Иқтисодӣ

Президент хостори грантҳои БОР дар шароити буҳронӣ шуд

Эмомалӣ Раҳмон, раисиҷумҳури Тоҷикистон имрӯз, 22-юми сентябр дар мулоқот бо Венкай Жангро, ноиби Президенти Бонки Осиёии Рушд густариши ҳамкориҳо дар шароити буҳрониро баррасӣ кардааст.

Тибқи иттилои дафтари матбуоти раисиҷумҳури Тоҷикистон дар мулоқоти Эмомалӣ Раҳмон бо Венкай Жангро вобаста ба вазъи иқтисодиву иҷтимоии Тоҷикистон ва таъсири бӯҳрони иқтисодию молиявии ҷаҳонӣ пешниҳод гардид, ки ҳаҷми маблағгузорӣ дар намуди маблағҳои имтиёзноки грантӣ аз ҷониби Бонк мавриди баррасӣ қарор дода шавад: “Чунин як пешниҳоди дигар дар робита ба таҷдиду барқарорсозии Нерӯгоҳи барқии обии Норак, инчунин ворид кардани Лоиҳаи таҷдиди роҳи автомобилгарди Қӯрғонтеппа-Данғара-Кӯлоб ва Лоиҳаи таҷдиди роҳи автомобилгарди Ваҳдат-Ҷиргатол-Қарамиқ дар соли 2017 ба Нақшаи индикативии маблағгузории Бонк барои солҳои 2016-2018 ба миён гузошта шуд”.

Манбаъ афзуд, дар маҷмуъ Эмомалӣ Раҳмон аз дастгирии Бонк дар соҳаҳои энергетика, инфрасохтор, буҷети давлатӣ, соҳаҳои иҷтимоӣ, рушди бахши хусусӣ ва дигар соҳаҳои афзалиятнок изҳори қаноатмандӣ карда, таъкид намудаст, ки тӯли солҳои ҳамкорӣ Бонк тақрибан 1,5 миллиард доллар ба Тоҷикистон маблағгузорӣ намуд: “Лоиҳаҳои фаъоли он ба маблағи зиёда аз 785 миллион доллар дар соҳаҳои гуногун амалӣ шуда истодааст”.

Мӯҳр

Хабарҳои монанд:

шахрванд

Барои ояндагон сохтани роху пулу дигар лозим, аммо барои имруз зиндаги мекардагихо чи?! О агроинвестбонкро, ки 51 фоизаш давлатист, пул намегузаронанд, ки мардуме, ки як умр нахурдаву напушида тамоми умрро сарф карда ду сум пул чамъ кардааст, диханд. Мо хам дар хонаи худамон мурем,охир на дар квартираи бегона.

Ҷавоб диҳед Иқтибос Шикоят

Душанбенец.

Агар агроинвесбонк ба ихтиёри худ бонкрот мешуд, ин давлати Точики хамашона ба дор бо бандхои худашон овардаги меовехт, аммо афсус ки ин чо низ дасти пуркудрате расидааст, ки пула гирифта бонка банкрот кардааст. Хама маълум аст. Ягон чиз пинхон дуру дароз нахохад монд. Хар чизе ки пинхон аст рузе нихон мешавад.

Ҷавоб диҳед Иқтибос Шикоят

Шамшер, ш. Душанбе.

Бонк бояд он кадар мустакиле бошад, ки дар халли масъалахои молияви дахолатнопазирияшро ягон ниход вайрон карда натавонад. Чанобони бонкирхо! Вакте ки ба пули мардум сару кор мегиред, бояд масъулияти оханин дошта бошед. Агар ба руи дор хам бубарантон, аз масъулиятхои доштаатон сарфи назар накунед. Холо ба пули мардум, ки ба нуги сузан чамъ овардаю бо риштаи чонашон пайваст аст, чи чавоб медихед? Чаро амонатро хиёнат кардед? Чаро тпулро харч мекунеду аз сохибонашон намепурсед?

Ҷавоб диҳед Иқтибос Шикоят

Эзоҳ илова кунед