16 сен 2016 11:45Тоҷикистон / Иҷтимоӣ

5 шабонарӯз ҳабси ронандаҳое, ки шабона “пойга” мекардаанд (АКС)

Вазорати умури дохилии Тоҷикистон аз боздошти чор нафар бо иттиҳоми ташкили пойгаи нақлиётӣ дар роҳҳои Душанбе хабар медиҳад.

Бино ба иттилои ин ниҳод, дастгиршудаҳо Бахтиёр Раҳимов (соли тавллудаш 1989), Бахтиёрҷон Ҷабборов (соли таваллудаш 1987), Алишер Камолов (1988) ва Одил Зокиров (1985) шаби 13 сентябри соли равон дар кӯчаи Ҳофизи Шерозии шаҳри Душанбе, воқеъ дар назди Наврӯзгоҳ мусобиқа-пойгаи нақлиётӣ ташкил ва қоидаҳои ҳаракати роҳро дағалона вайрон намудаанд: “Аз ҷумла, сабқати нодуруст, суръати ниҳоят баланд, итоат накардан ба аломатҳои роҳ аз ҷониби онҳо содир гардид, ки ин кирдори онҳо ҳар лахза метавонист ба садамаи нохуши нақлиётӣ боис гардад”.

ВКД мегӯяд, яке аз онҳо сокини шаҳри Душанбе ва се тани дигар сокини ноҳияи Рӯдакӣ буда, кормандони БДА баъди боздошт протоколҳои маъмурӣ тартиб дода, ба Суди ноҳияи Исмоили Сомонии шаҳри Душанбе ирсол кардаанд: “Суд парвандаи ҳуқуқвайронкунии маъмурӣ нисбати ҳуқуқвайронкунандагонро мавриди баррасӣ қарор дода, ба онҳо ҷазо дар намуди ҳабси маъмурӣ ба муҳлати 5 шабонарӯз таъин кард. Айни замон онҳо ба ҳабси маъмурӣ гирифта шуда, воситаҳои нақлиёташон бошад, дар ҷаримагоҳи ШБДА РВКД дар шаҳри Душанбе қарор доранд”.

5 шабонарӯз ҳабси ронандаҳое, ки шабона “пойга” мекардаанд (АКС)

Мӯҳр

Хабарҳои монанд:

ном

5сомон чарима карда чавоб тиеншон дигар хеч карда наметонен мисли дигарон

Ҷавоб диҳед Иқтибос Шикоят

тарзан

ин хамааш аз зиедарави.мошинашро гирифта ба фонди Рогун бояд супорид то дар он чо хизмат кунад

Ҷавоб диҳед Иқтибос Шикоят

Чобир

Ино падару модар доран мй? Бепадар мй? Мошина харида метиян дигар назората аз болошон фаромуш мекунанд-мй? МВД бояд ба чойи кори падару модаронашон мактуб равон кунанд ва дар назди коллектив мухокима, мухокима! Ва дар хулоса чаримаи калон!. Хамин хел ягон нафарро зада маъюб ё кушанд пас чй мешавад?

Ҷавоб диҳед Иқтибос Шикоят

Адолат

Мухтарам кормандони БДА, назди бозори Пойтахт 90 баъди соати 23-24 шаб равед чунин нафарон зиёданд, ки оромии шахрвандонро халалдор месозанд ва "гонка"мекунанд, хамаашон писарони сарватмандон ва рохбарон. Илтимос назорат баред! Бигзор чаримаи калон кунед то ба дигарон дарс шавад ва такрор накунанд...

Ҷавоб диҳед Иқтибос Шикоят

Вафо

Хеч гох ягон фарзанди одди ин корро намекунад. Онхо медонанд ки одамро пахш мекунанд ё не касе пишакошонро пиш намегуяд......

Ҷавоб диҳед Иқтибос Шикоят

Юсуф

Фикр мекунед, ки ин гургони шабгард ба падару модар итоат мекунанд? Дар ин синну сол соҳиби Мерседес шудаанд, пас хулоса бароред, аз кадом оилаанд. Ҷазои онҳо ҷаримаи калон аст, беҳад калон! То ки пеш аз дубора паси чамбараки мошин нишастан дилашон ваҳм кунад. Танҳо ҷарима метавонад халқи беинтизомро ба чорчубаи қонун дарорад. Дар кишвари Сингопур барои пасмондаи сигаретро дар куча партофтан 50 доллар ҷарима пешбинӣ шудааст. Ҳамин аст, ки мегӯянд Сингопур мисли утоқи ҷарроҳ тозаву озода аст. Он афроде, ки аз Худо наметарсанд, бояд аз қонуни сахти давлат тарсанд. Сипас Худотарс ҳам мешаванд.

Ҷавоб диҳед Иқтибос Шикоят

Сами

Ин аблаххоро бояд на Панч балки 15 сутка дода ва дар хиебонхои маркази соати 3-5 сахар чоруб кашанд то ки мисли онхо аблаххои ширамасти дигар бо хамсин сурат бо мошинхои хоричи онхоро рубанд. Ана баьд ин дарс мешавад!

Ҷавоб диҳед Иқтибос Шикоят

муйсафед

барои ин аблахон 5 - шабонаруз чи дарси ибрат мешавад ...хоишмандам аз ВКД ба инхо 5-сол диханд . ки дигароба дарс шавад....ин корхо бовар кунед аз руи масти ва серу пуранд

Ҷавоб диҳед Иқтибос Шикоят

Кухистони

Бародарон ин гапхо хамааш бехуда аст. Озодагон низ тарафи онхо аст. Каме пул тианд дигар хел макола менависанд ва шумо низ дигар хел мехонед. Гапхои шумо дар гуши хеч каси онхо намедарояд.

Ҷавоб диҳед Иқтибос Шикоят

Эзоҳ илова кунед