15 сен 2016 10:35Тоҷикистон / Иҷтимоӣ

Узрхоҳии “Сомон Эйр” барои нороҳатиҳои мусофиронаш

Ширкати ҳавопаймоии “Сомон Эйр” бо пахши як изҳорот сабаби анҷом наёфтани парвоз дар хатсайри Душанбе-Санкт Петербург ва бозгашти ҳавопаймо ба фурудгоҳи пойтахти Тоҷикистонро шарҳ дод.

Тибқи иттилоияи ин ширкат 14 сентябр соати 00:33 ба вақти маҳаллӣ, ҳавопаймои Боинг 737-800, ки ба самти Душанбе - Санкт-Петербург парвоз мекард, бо сабаби ҷамъ нашудани яке аз чархҳои ҳавопаймо ба фурудгоҳи ибтидоӣ баргардонида шуд: “Мусофирони хатсайри мазкур соати 02:20 ба вақти маҳаллӣ, тавассути ҳавопаймои дигари ширкати ҳавопаймоӣ- Боинг 737-900 ба шаҳри Санкт-Петербург интиқол дода шуданд”.

“Сомон Эйр” барои эҷоди нороҳатӣ аз ҳар як мусофири хатсайри Душанбе - Санкт-Петербург ва инчунин аз дигар мусофироне, ки дар пайи ин қазия вақти парвоз ва нишасташон тағйир дода шуд, узр хост.

Масъулини ширкат мегӯянд, ҷиҳати ҳар чӣ зудтар барқарор кардани ҷадвали парвозҳо ва ба самтҳои зарурӣ расонидани мусофирон кӯшиш карда истодаанд: “Шахсоне, ки хоҳиши баргардондани чиптаҳоро доштанд, маблағи чиптаро аз маконе, ки онро харидорӣ намуда буданд, ба даст оварданд”.

Мӯҳр

Хабарҳои монанд:

тт

Харакат кунед то бо тайёрахои хорича парвоз намоед

Ҷавоб диҳед Иқтибос Шикоят

Фаррухшо

.... афсус хело афсус хамаи авиакомпанияхои Точикистон чархболхои кухнаву фарсудаи дигархора харидори мекунанд , неё ???? Чоп кунен техпаспортхои хамаи бортхои фарсудаи худро то хамаи мичозон бидонанд , худам 3 то 5 хазор рубл илова сарф кунам хам тарики хавопаймои ширкатхои хорича ба Ватан сафар мекунем

Ҷавоб диҳед Иқтибос Шикоят

Юсуф

Магар ин бори аввал аст? Аввалҳои моҳи август хатсайри Дубай-Душанбе чӣ? Бале, ҳамон рӯзе, ки як ҳавопаймо дао фурудгоҳи Дубай оташ гирифта буд. Ин ҳодисаи нохуш ба ҳавопаймои Тоҷикистон чӣ дахл дошт, ки парвозро дуруст 24 соат пас аз Фурудгоҳи Шарҷа ба Душанбе анҷом дод. Ҳатто дар Шарҷа мусофиронро қариб ним рӯз дар як вазъияти номуайянӣ нигаҳ доштанд! Вале барои ин амали ношоиста ва беҳурматӣ нисбат ба мусофирон касе узр нахост. Зеро аксари кулли мусофирон тоҷирони тоҷик буданд. Чӣ зарур аст аз онҳо узр хостан. Аз ду сар касе аз болои бемасъулиятӣ ва беҳурматии ширкати Сомон Эр ба ҷое шикоят намекунад ва шояд накарда бошад. Тоҷик кай шикоят карда буд?!
Ҳавопаймои самти Душанбе-Питер дигар гап. Шояд туйи он панҷ, шаш ё даҳ нафар русҳо буданд, ки ширкати Сомон Эр фавран узрхоҳӣ кард. Ана ҳамин хел. Агар хоҳӣ, ки қадрдоният кунанд, аз тоҷикият даст кашу урус шав! Тавре мегӯянд - NO COMMENT!

Ҷавоб диҳед Иқтибос Шикоят

Эзоҳ илова кунед