14 сен 2016 16:40Тоҷикистон / Дин ва зиндагӣ

Ҷаримаи соҳиби сартарошхона барои дасткашӣ аз хизматрасонӣ ба зани мусалмон

Додгоҳи Норвеж Мерете Ходне, соҳиби сартарошхонаеро, ки аз хизматрасонӣ ба як зани ҳиҷобдор даст кашид, беш аз 1800 доллар ҷарима бастааст.

Бино ба иттилои шабакаи телевизионии TV2, додгоҳ Ходнеро дар табъизи динӣ муҷрим шинохта, 10 ҳазор крон (беш аз 1200 доллар) ҷарима бастааст. Инчунин ӯ муваззаф шуда, ки хароҷоти додгоҳиро дар ҳаҷми 5 ҳазор крон (беш аз 600 доллар) пардохт намояд. Мерет Ходне гуфтааст, аз ин ҳукм розӣ нест ва ба зинаҳои болоӣ шикоят мебарад.

Моҳи октябри соли 2015 Мерет Ходне, ки он замон ба ҳайси сартарош хидмат мекард, Малика Баён, як зани мусалмони ҳиҷобдорро аз толори худ берун ронда изҳор дошт, намехоҳад “ба одамоне мисли ӯ” хизмат расонад.

Ходне баъдан дар шабакаҳои иҷтимоӣ навҷишт, ки хиҷобро на рамзи динӣ, балки рамзи сиёсӣ медонад. Мерете Ходне дар Норвеж бо нигоҳҳои зиддиисломии худ машҳур аст. Ба иттилои расонаҳо, қаблан ӯ яке аз фаъолони шӯъбаи норвежии ҳаракати зиддиисломии “Пегида” ва ҳаракати зидди исломикунонии Норвеж -- SIAN (Stopp islamiseringen av Norge) будааст.

Дар пайи ҳукми додгоҳ Малика Баён изҳор дошта, ки аз чунин ҳукм розӣ аст ва умед дорад он барои дигарон дарси ибрат мешавад. Расонаҳо мегӯянд, Малика норвежитабор буда, соли 2011 мусалмон шудааст.

Мӯҳр

Хабарҳои монанд:

исломгаро

худованд ин зани мусалмонро нигохдор бошад ки уда як чомеаи масехи мусулмон шуд. мусулмонхо имруз гарчи мазлум ва ситамдида хастанд ва аммо тахамул мекунанд зеро дар оянда ислом пируз аст. ин муборизахои зидди исломи натичае чуз шикасти худ надоранд.

Ҷавоб диҳед Иқтибос Шикоят

мехмон

Хар чи набошад хам Аврупо демократи хаст. Хар як инсон метавонад хукуки худро химоя кунад.

Ҷавоб диҳед Иқтибос Шикоят

Хирадгаро

Акнун тасавур кунед ки чанд нафар аз европа биёянду дар кишвархои исломи зиндаги кунанд ва хоханд як ибодатгохи яхуди буддои ва ё масехи бисозанд дар як шаб бомбгузори шуда хамаи онхо несту нобуд хоханд шуд кучост адолат? адолат факат дар акл аст ва дар хирад дунёро факат хирад начот медихад. мазхаб ба гуфтаи Фрейд хирадро метарсонаду инсонро ба кучахои торик хохад бурд ва аз пешбурди чаон ва кашфи он очиз хохад кард. Чунончи Сино ва Рози ва Хайём аз дасти ин муттаасибон дар гурез буданд чун мазхабро накд карданд гунохашон факат хамин буд накд яъне назари илмии худро гуфтанд ки Газолии почаканда барин нафархо шуруъ кардан ба такфир кардан.

Ҷавоб диҳед Иқтибос Шикоят

Юсуф

Исломгаро, ин ҳама мусалмонбадбинӣ аз касофатии кӣ ва чӣ шуд? Магар ваҳшиёни ба ном давлати исломӣ не? Ба ал бағдодӣ ва бандитҳош раҳмат бигу.
Дуввум инки, кишвари Норвеж ё Норвегия давлати масеҳиён аст! Ин давлатро падару бобоёни онҳо ба биҳишти рӯи замин табдил додаанд, ки ҳаваси аъроб омада, худро бо сад ҳилаву найранг ба онҷо мерасонанд ва хайма мезананд. Мегӯянд, ки "шаҳри якчашма рафтӣ, як чашматро пӯш!" Кӣ мегӯяд, ки мусулмонон онҷо рафта, монанди нинза гарданд? Тасаввур кун, ки европоиё ба Тоҷикистон омада, ҳама бо шортикҳои аз зону боло ва тани урён гарданд. Ин ба ту мефорад? Не? Бале, ба онҳо ҳам намефорад. Зеро Норвеж мамлакати онҳост, маъхази тамаддуни онҳост, хонаи онҳост. Ҳар кас дар хонаи худ хоҷа аст.

Ҷавоб диҳед Иқтибос Шикоят

Малика

тарафҳои мо ҳам ҳамин тавр демократ мешуданду ба занони аврупоӣ намечаспиданд
чаро дар Эрон ба зани аврупоӣ муҷбуран хиҷоб мепушонанд?
исломгароиҳо низ демократияро омӯзанд!

Ҷавоб диҳед Иқтибос Шикоят

Эзоҳ илова кунед