08 сен 2016 18:01Тоҷикистон / Сиёсат / Дидгоҳи хос

Изҳороти идонаи Президент: Аз давлати исломии ҲНИТ то ваъдаи хидмати якумра ба миллат

Эмомалӣ Раҳмон, раисиҷумҳури Тоҷикистон, имрӯз, 8-уми сентябр зимни ҳамоиш бахшида ба 25-умин солгарди Истиқлоли кишвар аз нақшаи ташкили давлати исломӣ, харобкориҳои ҲНИТ, қаҳрамонии халқи тоҷик ва ояндаи дурахшони кишвар суҳбат кард.

Раисиҷумҳури зимни баромадаш дар Кохи Борбад баробари шодбош гуфтани мардуми кишвар инчунин аз солҳои аввали Истиқлолият ва ҷанги шаҳрвандии Тоҷикистон ёдовар шуда, гуфт, ки баъзе аз гуруҳҳои харобкор нақшаи ташкили давлати исломиро кашида буданд: “Қувваҳои бадхоҳ ва ашхоси гумроҳ бо нақшаву дастурҳои хоҷагони хориҷии худ, ки мехостанд бар хилофи иродаи мардуми тоҷик фарҳангу мазҳаби бегонаро ба сари халқи мо бор кунанд ва ҳатто саросемавор нақшаи бунёди давлати исломиро кашида буданд, Тоҷикистонро ба гирдоби ҷанги бародаркуш гирифтор карданд”.

Эмомалӣ Раҳмон бо зикри ин нукта, ки истиқлол аз оғоз ба зарбаи ҷонкоҳу ҳалокатбор, яъне ҷанги таҳмилии шаҳрвандӣ рӯ ба рӯ шуд, гуфт, ки “мутаассифона, дар он айём ҳамаи ҳизбу ҳаракатҳои навтаъсиси кишвари тозаистиқлоли мо фирефтаи мафкура ва нақшаҳои харобкоронаи Ҳизби наҳзати ислом гашта буданд”.

Президенти Тоҷикистон ҷанги дохилиро яке аз омилҳои боздорандаи рушди Тоҷикистон номида, онро боиси ҳалокати ҳазорон нафар шаҳрванд, ятим мондани даҳҳо ҳазор кӯдак, аз фарзанд маҳрум шудани ҳазорон модар ва гуреза шудани беш аз як миллион нафар сокини Тоҷикистон донист.
Дар ин суханронӣ Эмомалӣ Раҳмон аз он таассуф хӯрд, ки ҷанги шаҳрвандӣ нагузошт, ки Тоҷикистон мисли дигар давлатҳои меросбари давлати абарқудрат ҳаққи худро соҳибӣ намояд, иқтидори давлати ҷавони худро мустаҳкам гардонад ва барои муаррифии он дар арсаи ҷаҳон, ақаллан, рамзҳои давлатии кишвари соҳибистиқлоламонро қабул кунад.

Эмомалӣ Раҳмон гуфт, ки “Тоҷикистон ҳамчун кишвари соҳибистиқлол як сол Парчам ва Нишони давлатӣ, Суруди миллӣ ва Конститутсия надошт. Кор фақат ҷангу муноқиша ва тақсими вазифа буд”.

Раисиҷумҳури Тоҷикистон нақши Иҷлосияи 16-уми Шӯрои Олиро дар роҳи ба эътидол овардани вазъи ноороми кишвар таърихӣ номида, гуфт, ки сарнавишти давлатдории тоҷиконро ҳамин иҷлосия муайян кард.

Президенти Тоҷикистон ҳамчунин дар ин суханронии худ ба маъсалаи қаҳрамони ҷанги шаҳрвандӣ ишора карда, таъкид намуд, ки ин қаҳрамон хурду бузурги халқи тоҷик аст: “Бинобар ин, дар ин рӯзи таърихӣ дар назди халқи қаҳрамони тоҷик бори дигар сари таъзим фуруд меорам”.

Эмомалӣ Раҳмон ҳамчунин ишора кард, ки дар 15 соли охир суръати миёнасолонаи рушди иқтисодии кишвар ба 7,8 фоиз баробар шуда, даромади буҷети давлатӣ аз 300 миллион сомонӣ то 18 миллиард сомонӣ афзоиш ёфт: “Ҳамзамон бо ин, даромади аҳолӣ 25 баробар ва пасандозҳо беш аз 85 баробар зиёд гардиданд. Сатҳи камбизоатӣ дар мамлакат қариб се баробар коҳиш ёфта, аз 83 фоизи охири соли 2000-ум то 31 фоиз дар соли 2015 паст карда шуд. Дар даврони истиқлолият шумораи аҳолии мамлакат аз панҷуним миллион то 8 миллиону 700 ҳазор нафар, яъне 1,6 баробар афзоиш ёфта, сатҳу сифати зиндагии мардум куллан беҳтар гардид ва дарозумрии миёнаи шаҳрвандон то 73,5 сол боло рафт”.

Президенти Тоҷикистон инчунин аз корнамоии Дилшод Назров ҳам ёдоварӣ кард ва аз ҷумла гуфт: “Дар бозиҳои олимпии ба наздикӣ дар Бразилия баргузоршуда Тоҷикистони мо дар байни 206 давлати дунё мақоми 54-умро ишғол кард ва варзишгари тоҷик Дилшод Назаров дар байни 12 гурзандози номии ҷаҳон ғолиб шуда, дар баробари соҳиби медали тилло шуданаш ба қатори сад варзишгари беҳтарини сайёра шомил гардид”.

Дар поёни суханронии худ Эмомалӣ Раҳмон ба мардуми Тоҷикистон хитоб карда, гуфт: “Халқи азизам! Ман ба қудрати созанда ва нангу номуси ҳар як фарди ту бовар дорам! Миллати бузурги ман! То зиндаам, ман бо номи ту сидқан ифтихор мекунам, туро самимона дӯст медорам ва тамоми ҳастии худро дар роҳи хизмат ба ту бедареғ мебахшам! Халқи бузургу қаҳрамони ман! Мо ҳама даст ба дасти ҳамдигар дода, дар фазои сулҳу оромӣ Ватани азизамон -Тоҷикистонро ба биҳишти рӯи замин табдил медиҳем!”

Ҳамчунин Эмомалӣ Раҳмон дар хитоб ба халқ таъкид кард, ки рӯзҳои сангин ва вазнину торикат паси сар шуданд ва афзуд, ки “Акнун, дилпурона ва бо қадамҳои устувор ба сӯи ояндаи ободу осуда ва қуллаҳои боз ҳам баланд ба пеш!”

Мӯҳр

Хабарҳои монанд:

Чамшед.Дангара.

Бузак Бузак намур бахор меояд.25 сол шуд ин хаохарфхо!!

Ҷавоб диҳед Иқтибос Шикоят

мехмон

Хизби исломи ё дигар хизбу гурух ташкил кардан дар мамлакате ки 98% мусалмон хаст нодуруст хаст . ,, Муъмин бародари муъмин" бошад ин гуруху хизбхо лозим нест. Хизби халки демократиро низ бояд бархам дод. Дар Точикистоне ки хамаги 8 миллион ахоли дораду 2,5 миллиони кувваи кори берун аз он хаст чи даркор хизб? Хамаи мо бародар хастем. Биёед ба сарконун ва имону инсоф хамаги як со такя карда кор кунем чи мешавад?

Ҷавоб диҳед Иқтибос Шикоят

Farid

Дилшод Назров не Дилшод Назаров. Нукта не нуқта журналист куҷо саросемаен?

Ҷавоб диҳед Иқтибос Шикоят

фард

Дар ин чоряк асри истиклолият:
Пешрафти иктисоди;
Комёбихои илми технологи;
Нафту гази худ;
Карзи давлат чи микдор?
Сафи мухочирати мехнати камшави дорад?

Ҷавоб диҳед Иқтибос Шикоят

Эзоҳ илова кунед