07 сен 2016 11:56Тоҷикистон / Иҷтимоӣ / Тема дня

Эълони беҳтаринҳо: Данғара, оилаи Саъдуллоевҳо, Вазорати хориҷӣ, деҳаи Янгибоғ ва...

Озмуни эълонкардаи Эмомалӣ Раҳмон, раисиҷумҳури Тоҷикистон барои муайян намудани беҳтарин шаҳр, ноҳия, шаҳрак, деҳот, деҳа, маҳалла, хона ва оилаи намунавӣ 6-уми сентябр дар Душанбе ҷамъбаст гардид. Миёни беҳтаринҳо оилаи Саъдуллоевҳо аз Душанбе, шаҳраки Данғара, Вазорати умури хориҷӣ, Додситонии кул, шаҳри Хуҷанд ва деҳаи Янгибоғу Раҳмонобод ҷой гирифтаанд.

Азим Иброҳим, ноиби сарвазир ва раиси Комиссияи мусобиқаи мазкур гуфт, дар озмун 412 ҳазор оила аз 300 ҳазор хонавода, 4144 деҳа, 370 деҳот, 57 шаҳрак, 52 ноҳия, 16 шаҳр, 3 вилоят ва 60 мақомоти марказии ҳокимияти давлатӣ иштирок доштанд.

Тибқи иттилоияи расмӣ Қоҳир Расулзода, сарвазири мамлакат ба 35 ғолиби мусобиқа аз номи Эмомалӣ Раҳмон шоҳҷоизаи “Ҷоми Ҷамшед”, Шоҳҷоизаи “Ҷоми Истиқлолият”, нишонҳои хотиравӣ, шаҳодатномаҳо ва мукофотҳои пулӣ тақдим намуд: “Мувофиқи шартҳои пешбинишуда Вазорати корҳои хориҷӣ, вилояти Хатлон, шаҳри Хуҷанд, ноҳияи Ёвон, шаҳраки Данғараи ноҳияи Данғара, деҳоти ба номи Абўабдуллоҳи Рўдакии ноҳияи Восеъ, деҳаи Янгибоғи деҳоти Ҷўра Раҳмонови шаҳри Турсунзода, маҳаллаи ба номи Маҳмадулло Холови ноҳияи Исмоили Сомонӣ, хонаи Рустамов Исмоил дар шаҳри Норак, ҳамчунин Оилаи Саъдуллоевҳо дар ноҳияи Исмоили Сомонии шаҳри Душанбе аз беҳтаринҳо эътироф шуда, бо ҷоиза ва мукофотҳои пулӣ сарфароз гардонида шуданд”.

Манбаъ афзуд, ки ҷойи якум ба Прокуратураи генералӣ, шаҳри Турсунзода, ноҳияи Исмоили Сомонии шаҳри Душанбе, шаҳраки Ғарми ноҳияи Рашт, деҳоти Гули сурхи шаҳри Истаравшан, деҳаи Раҳмонободи деҳоти Сучони ноҳияи Шуғнон, маҳаллаи ба номи Исмоили Сомонии шаҳри Кўлоб, хонаи Шариповҳо аз ноҳияи Шоҳмансури шаҳри Душанбе ва оилаи Сафаралӣ Ҳалимов аз шаҳраки Исмоили Сомонии ноҳияи Бохтар дода шуд: “Агентии назорати давлатии молиявӣ ва мубориза бо коррупсия, шаҳри Қўрғонтеппа, ноҳияи Рўдакӣ, шаҳраки Пролетари ноҳияи Ҷаббор Расулов, деҳоти Поршневи ноҳияи Шуғнон, деҳаи Ваҳдати деҳоти Фахрободи ноҳияи Хуросон, маҳаллаи Зардолузори шаҳри Панҷакент, хонаи Аброр Шамуратов аз деҳоти Ҷиргатоли ноҳияи Лахш ва оилаи Маҷид Олимов аз ноҳияи Спитамен сазовори ҷойҳои дуюм гардида, шаҳри Хоруғ, ноҳияи Бобоҷон Ғафуров, деҳоти Ҳисори шаҳри Ҳисор, деҳаи Диловарони шаҳри Конибодом, маҳаллаи Исмоили Сомонии шаҳраки Сомониёни ноҳияи Рўдакӣ, хонаи Нозимҷон Усмонов аз ноҳияи Бобоҷон Ғафуров ва оилаи Наботбегим Тавакалова аз шаҳри Хоруғ ҷойҳои сеюмро гирифтанд”.

Мӯҳр

Хабарҳои монанд: