Сокинони Тоҷикобод: Хонаҳоямон ҳанӯз пури лой аст (АКС)
Абдувалӣ Парвонаев, сокини рустои Капалии ҷамоати Қалъаи Лаби об имрӯз, 6 сентябр дар суҳбат ба “Озодагон” гуфт, манзили зисташ пур аз лойоба шуда, чанд рӯз мешавад, ки бо кумаки сокинону хешу ақрабо ба тоза кардани он машғуланд: “Ҳама ҷо пури лой аст. Барои бартараф кардани оқибатҳои сел техникаи пуриқтидор лозим аст”.
Ба қавли Парвонаев, дар манзили онҳо чор оила ва бештар аз 20 нафар зиндагӣ мекард. Баъди омадани сел онҳо дар манзили хешу табор қарор доранд: “Худам дар хайма зиндагӣ мекунам. Ин хайма бузург нест, аз ин хотир хонаводаамон дар манзили наздикон ҳастанд. Намедонам ин ҳол то кай давом мекунад. Ҳаво сард шуда истодааст, хонаҳоямон пури лой, сарпаноҳ надорем”.
Ин сокини ноҳияи Тоҷикобод афзуд, роҳбарияти ноҳия қариб ҳар рӯз аз аҳволи онҳо хабар мегирад, аммо мегӯянд, барои бартараф сохтани оқибатҳои офат техникаи зарурӣ надоранд: “Намояндаҳои ҳукумат омада мераванд, аммо роҳе нест, ки ба ҷойи ҳодиса рафта, вазъиятро аз наздик бубинанд”.
Ба гуфтаи ӯ, то расидани зимистон имкони пурра барқарор кардани манзилҳо нест: “Аққалан замин ҳам намедиҳанд, ки зимистон нарасида аз пайи беҳбуди кор шавем”.
Ба иттилои сокинони маҳаллӣ, сел чорво, мошин, занбӯр ва ҳама маҳсулоти полезиашонро шӯстааст. Барои онҳо ба сифати кумак танҳо орду равған ва хайма додаанд. “Танҳо як нафар намояндаи Кумитаи ҳолатҳои фавқулода ҳамроҳи мо ҳаст, ки дасташ ба ҳама намерасад. Мо мехоҳем барои суръат гирифтани корҳои барқарорсозӣ техника фиристанд”,-мегӯянд сокинони зарардида.
Дилшод Фатоев, сокини дигари рустои Капалӣ мегӯяд, касе аз солмандони деҳа чунин сели боҳашаматро дар хотир надорад. Ӯ ҳам гуфт, манзилашон корношоям шуда, хонаводааш дар манзили хешу ақрабо зиндагӣ дорад.
Сели шадид ба ноҳияи Тоҷикобод рӯзи 28 август дар пайи канда шудани як пораи бузурги пирях ба вуҷуд омад. Қаблан Умеда Юсупова, сухангӯи Кумита ҳолатҳои фавқулодаи Тоҷикистон ба “Озодагон” гуфта буд, пирях аз куҳсанги деҳаи Себистони ҷамоати Қалъаи лаби оби ноҳияи Тоҷикобод канда шуда, самти ҳаракати рудхонаи Шӯракро бастааст: “Бар асари он сатҳи оби дарё боло шуд ва пули байни деҳаҳои Фатҳобод ва Шӯробро вайрон карда, 10 хонаи истиқоматиро хароб намуд, ба хоҷагиҳои деҳқонӣ ва системаҳои коммуникатсионии рустоҳои Фатҳобод ва Капалии ноҳияи Тоҷикобод хисорати калон овард. Бо мақсади бартараф кардани оқибатҳои офати табиӣ Ситоди фаврӣ созмон дода шуд”.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
