06 сен 2016 08:54Тоҷикистон / Сиёсат / Дидгоҳи хос / Тема дня

Собиқадори “Алфа”: Вазири ҷанг шудани Ҳалимов сабаби ҷалби бештари зодагони Осиёи Марказӣ ба ДИИШ мешавад

Сергей Гончарев, роҳбари Анҷумани собиқадорони “Алфа”-и ФСБ-и Русия гуфтааст, таъини Гулмурод Ҳалимов ба мақоми вазири ҷанги ДИИШ метавонад сабаби ҷалби бештари зодагони Осиёи Марказӣ ба сафҳои ин гуруҳи террористӣ шавад.

Гончарев дар суҳбат бо пойгоҳи хабарии НСН гуфтааст, “вазири ҷанги ДИИШ дар Шуравӣ ва ИМА таҳсилоти низомӣ дида, аз усулҳои муборизаи гуруҳҳои зиддитеррористии ин кишварҳо огоҳ мебошад ва метавонад ин усулҳоро дар муқобили рақибонаш истифода барад”.

Роҳбари Анҷумани собиқадорони ниҳоди зидди террористии ФСБ таъкид карда, ки барои як зодаи кишвари Осиёи Марказӣ вазири ҷанги “Давлати исломӣ” таъин шудан, “ифтихори бузург” аст ва тахмин задааст, ки сафи ДИИШ аз ҳисоби зодагони Осиёи Марказӣ бештар мешавад.

Ахиран, расонаҳои ироқӣ аз таъини Гулмурод Ҳалимов, сардори пешни “ОМОН”-и Тоҷикистон ба ҳайси вазири ҷанги ДИИШ хабар доданд. Пойгоҳи телевизионии alsumaria.tv бо такя ба як манбаи худ дар сохтори амниятии Ироқ иттилоъ дод, ки полковники фирории тоҷикро ба ҷойи Абу Умари Шешонӣ (чеченистонӣ) таъин кардаанд.

Ин таъинот дар ҳолест, ки чанд рӯз пештар Ҳукумати ИМА барои пешниҳоди маълумот дар бораи макони будубоши ӯ то 3 миллион доллар ҷоиза эълон кард.

Мӯҳр

Хабарҳои монанд:

Чавононро бо чои кор таъмин кунед касе ба Сирия намеравад.

Ҷавоб диҳед Иқтибос Шикоят

Хушбахт

ИН як боизии ИМА ва русия мебошад вале афсус ҷавонони мо сарфаҳми ин бозиҳои сиёси намешаванд ва нофаҳмида ба вориди ҷанг мегарданд ва дунёву охириати худро месӯзонанд. аммо мо набояд тарсе дошта бошем чун ҳамеша дар ватани тинҷу обод саргарми зиндагии хуши худ шавем ватанро дуст дорем ва шукр кунем ки имруз тоҷикистон қуввати бо тамоми душманон ҷангиданро дорад хоҳ ДИИШ бошад хоҳ толибон аз сарҳад як қадам гузашта наметавонад ва дар ҳамонҷо сарҳадбонони мо онҳоро ба ҷаҳанам гусел мекунад. имруз аз ҳоли ӯзбакистон бохабар ҳастем бинобар ин замоне омадааст то ақлу ҳуши худро ҷам намуда заминҳои парокандаи тоҷиконро аз сар ба Тоҷикистон баргардонем ва давлати бузурги Тоҷиконро дар Осиёи Миёна барпо кунем зеро тамоми олам медонад ки 70% осиёи миёна тоҷикон ҳастанд.бинобар ин мо ҳақи худро бояд талаб кунем.

Ҷавоб диҳед Иқтибос Шикоят

шавкати девона

"Ифтихор" кунед, як кадри точик дар хорича "вазир" шудааст!!!

Ҷавоб диҳед Иқтибос Шикоят

Хилватшоҳ Маҳмуд

ИМА худ созмондиҳандаи ДИИШ (ДИ) буда, ин ҳаракати тундраву ифротгароро маблағгузорӣ мекунад.
Таълими низомӣ дар ду давра ҳам барои Гулмурод Ҳалимовро ИМА анҷом дода, ӯро аз Тоҷикистон мақомоти вижаи Вошингтон берун карданд.
Ва захмдор (!) шудани полковники собиқи тоҷик дар Сурия кори дасти омрикоиҳост.
Барои чанд муддат ғойиб шудани Ҳалимов аз дурбини расонаҳо ва нопадид гаштанаш аз "корзор" низ шеваи омрикойӣ дорад.
Эъломи ҷоиза ба андозаи 3 миллион доллар барои иттилоъ оиди ӯ, чун рӯз равшан аст, ки оянда чӣ мешавад.
Ниҳоят, қумандон (фармондеҳ) ва ё ба истилоҳ "вазири ҷанг"-и ДИИШ таъин гардидани Гулмурод Ҳалимов стратегияи ҷадиди ИМА аст.
Ҳайрон намешавем, агар: чанд рӯз (моҳ) пас Ҳалимов дар Қундуз, Нангарҳор, Баҳорак...-и Афғонистон, дар марзи муштараки мо бо Қирғизистон ва ё водии Фарғона "пайдо" шавад. Ин сенарияи маълуми қаблан тарҳрезишуда аст.
Чанд сол қабл чунин "озмоиш" -ро Уссома бини Лодан аз сар гузаронида буд...(((

Ҷавоб диҳед Иқтибос Шикоят

Эзоҳ илова кунед