Э.Раҳмон ба ҷанозаи Каримов муфтӣ, президенти АИ, раиси Иттифоқи нависандаҳоро ҳам бо худ бурд

Эмомалӣ Раҳмон, раисиҷумҳури Тоҷикистон ҷиҳати иштирок дар маросими дафни Ислом Каримов ба Узбакистон сафар кард.
Дафтари матбуоти Президент мегӯяд, дар фурудгоҳи байналмилалии Душанбе Эмомалӣ Раҳмонро роҳбари Дастгоҳи иҷроияи раисиҷумҳур Озода Раҳмон ва дигар шахсони расмӣ гусел намуданд. Ба иттилои манбаъ, Президентро дар ин сафар Ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ Азамшо Шарифӣ, муовини якуми Маҷлиси намояндагони Маҷлиси олӣ Абдуҷаббор Азизӣ, президенти Академияи илмҳо Фарҳод Раҳимӣ, муовини аввали вазири корҳои хориҷӣ Низомиддин Зоҳидӣ, раиси Иттифоқи нависандагони Тоҷикистон Низом Қосимпури Ҷаҳонгир, раиси Шӯрои уламои Маркази исломӣ Саидмукаррам Абдуқодирзода ва дигар шахсони расмӣ ҳамроҳӣ мекунанд.
Маҷлиси Олӣ ва Девони вазирони Узбакистон 2 сентябр аз даргузашти Ислом Каримов хабар дода, эълон кард, бар асоси васияти ӯ ҷанозааш тибқи анъанаҳои мусулмонӣ дар Самарқанд ба хок супурда мешавад. Чанд дақиқа пеш корвони мошинҳо, ки мошини ҳомили ҷасади Каримовро ҳамроҳӣ мекунанд, ба қасди Самарқанд Тошкандро тарк намуданд. Дар робита ба марги Каримов дар Узбакистон 3 рӯз мотами миллӣ эълон шудааст.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |