29 авг 2016 15:17Тоҷикистон / Акс / Тема дня

Тақдими мукофотҳои давлатӣ, рутбаҳои баланди низомӣ ва ҷоизаҳои давлатӣ (АКС)

Эмомалӣ Раҳмон, раисиҷумҳури Тоҷикистон ба истиқболи 25-умин солгарди Истиқлоли давлатӣ ба як гуруҳ кормандони касбу кори гуногун мукофотҳои давлатӣ, рутбаҳои баланди низомию махсус ва ҷоизаҳои давлатӣ тақдим кардааст.

Ба иттилои дафтари матбуоти Президент, бо фармону амрҳои Эмомалӣ Раҳмон ва қарори Ҳукумати Ҷумҳурии Тоҷикистон 8 нафар бо ордени Шараф дараҷаи 2, 91 нафар бо Медали хизмати шоиста, 9 нафар бо Медали Ҷасорат, 1 нафар бо медали Марзбони шуҷои Ватан, 2 нафар бо рутбаҳои навбатии махсуси навбатӣ, 1 нафар бо ордени Спитамен дарачаи 1, 1 нафар бо медали Шафқат, 5 нафар бо ифтихорномаи Ҷумҳурии Тоҷикистон, 1 нафар бо унвони ифтихории Шоири халқии Тоҷикистон, 2 нафар бо унвони фахрии Ҳунарпешаи халқии Ҷумҳурии Тоҷикистон, 16 нафар бо унвони фахрии Корманди шоистаи Тоҷикистон сарфароз гардида, ба Ҷоизаи Исмоили Сомонӣ 12 нафар ва ба дарёфти Ҷоизаи Президенти Ҷумҳурии Тоҷикистон 5 нафар мушарраф гардиданд: “Хизматҳои шоёни таҳсини зиёда аз 16 нафар кормандону намояндагони соҳаҳои гуногуни ҳаёти ҷомеа бо унвони фахрии Корманди шоистаи Тоҷикистон қадрдонӣ шуд. Гурӯҳи дигари кормандони соҳаҳои гуногун бо Ифтихорномаи Ҷумҳурии Тоҷикистон сарфароз гардиданд. Хизматҳои арзандаи таҳсини шумораи зиёди афсарону сарбозон ва ходимони Қувваҳои Мусаллаҳ, мақомоти ҳифзи ҳуқуқу тартибот ва сохторҳои мухталифи низомию махсус бо ордени Спитамен дараҷаи 1, ордени Шараф дараҷаи 2, медали Ҷасорат, медали Хизмати шоиста, медали Марзбони шуҷои Тоҷикистон, Корманди шоистаи Тоҷикистон ва Ифтихорномаи Ҷумҳурии Тоҷикистон қадрдонӣ шуд”.

Манбаъ меафзояд, ба 12 олими соҳаҳои гуногуни илми ҷумҳурӣ, ки бо қарори Комиссияи дарёфт муайян ва бо Қарори Ҳукумати Ҷумҳурии Тоҷикистон тасдиқ шудаанд, Ҷоизаи ба номи Исмоили Сомонӣ дар соли 2016 супурда шуд. Барои мусоидат ба рушди соҳаи маориф бошад, 5 нафар бо Ҷоизаи Президенти Ҷумҳурии Тоҷикисотон дар соҳаи маориф сарфароз гардонида шуд: “2 нафар кормандони сохторҳои қудратӣ ва ҳифзи ҳуқуқ бо рутбаҳои навбатии дараҷавӣ, ҳарбӣ ва махсус сарфароз гардонида шуданд”.