27 авг 2016 08:31Тоҷикистон / Акс / Видео

Президент Дилшод Назаровро бо ордени “Шараф-1” қадр кард (АКС+ВИДЕО)

Эмомалӣ Раҳмон, раисиҷумҳури Тоҷикистон Дилшод Назаров, қаҳрамони бозиҳои олимпии Рио-2016-ро бо 300 ҳазор сомонӣ ва ордени “Шараф” дараҷаи-1 қадрдонӣ кард. Як сол қабл Назаров Ордени Шараф дараҷаи 2-ро гирифта буд.

Маросими истиқболи раисиҷумҳур аз варзишгари номовари тоҷик шоми 26 август баъди вурудаш ба Душанбе дар Қасри миллат сурат гирифт. Дафтари матбуоти Президент мегӯяд, Эмомалӣ Раҳмон Дилшод Назаровро барои дастоварди олии варзишӣ самимона табрик гуфта, барои хизматҳои бузургаш дар муаррифии бештари давлату миллати тоҷик ва баланд бардоштани шарафи варзишии мамлакат дар арсаи байналмилалӣ изҳори сипосу минатдорӣ намудааст.

Ба иттилои манбаъ, раисиҷумҳур бо медали тиллои мусобиқоти ҷаҳонӣ ноил шудани Дилшод Назаровро дар таърихи соҳибистиқлолии кишвар рӯйдоди фараҳбахшу беназир хондааст.

Дилшод Назаров шоми дирӯз ба Душанбе омад. Ба истиқболи ӯ дар баробари ҳазорҳо сокини кишвар Рустами Эмомалӣ, Абдуҷаббор Раҳмонзода, Аҳтам Абдуллозода, Маҳмадсаид Пирзода ва дигар ашхоси баландпоя ба Фурудгоҳи байналмилалии Душанбе рафтанд.

Дилшод Назаров дар фурудгоҳ барои истиқболи гарм ба ҳама изҳори сипос кард ва бори дигар таъкид дошт, ғалабаи ӯ пирӯзии тамоми мардуми Тоҷикистон аст.

ИСТИҚБОЛ АЗ ДИЛШОД НАЗАРОВ ДАР ФУРУДГОҲ

Мӯҳр

Хабарҳои монанд:

инсон

Бояд бештар аз ин кадрдони мекард Хар чи ки бошад медалли гирифтанидар чунин мусобикаи бонуфуз кори хар кас нест

Ҷавоб диҳед Иқтибос Шикоят

Кӯҳзод

Дилшод , аз сӯи Ватан бар ту салом бод , Ғолибият аз сӯи ту бар мо паём бод ! Пешвои миллат шод шуд аз шери кишвараш , Ин шодиҳои Сарвари мо бардавом бод ! Ҳар кас накард шодӣ аз ин қаҳрамоният , Нони Ватан бар танаш заҳру ҳаром бод !
22.08.2016

Кӯҳзод

Ҷавоб диҳед Иқтибос Шикоят

анастасия

Э бача..инкадар ин родмарда пешвоз гирифтан.. о гап дар пул нест...обуру...обуру...кадру кимаат....худи сарвари давлат кабул карданд..бо дигар чи лозим...ифтихор номи нек аст на пулу мол..

Ҷавоб диҳед Иқтибос Шикоят

Сафар

Дар халк мегуянд Нодида чи дидааст.........

Эй мардум коре мекунед, ки ин кахрамон аз кахрамон шудааш хам пушаймон нашавад. Варзишгарони кишвархои аврупо то 11 медал дарёфт карданд, вале хомушанд. Арчгузориро ба сатхи зиндагии мардумонашон мегузоранд. Сатхи зиндагии мардумро баланд бардоред ин кахрамонии хар як аз мардуми точик аст. Бале мо бояд аз кахрамонии Дилшод ифтихор кунем, вале хар чиз меъеру андоза дорад. Мардуми бечора дар кишвархои дигар барои баланд бардоштани сатхи зиндагии хонаводааш азият мекашад дар зиндонхои Точикистон шиканча дар дарачаи болост. Агар тавон дошта бошед дар сатхи илми чоизаи Нобелиро дарёфт кунед. Илму маърифати точиконро имруз ягон мардуми дунё намеписандад. Эх чи гуям ки ногуфтанаш бехтар аст.....................

Ҷавоб диҳед Иқтибос Шикоят

Эзоҳ илова кунед