26 авг 2016 15:31Тоҷикистон / Дин ва зиндагӣ

Муфтӣ теъдоди ҳизбҳои исломии зидди Исломро эълон кард

Раиси Шӯрои уламои Маркази исломии Тоҷикистон гуфт, дар ҷаҳон 18 ҳизбу ҳаракатҳое бо номи Ислом муқобили мусалмонон меҷанганд.

Сайидмукаррам Абдулқодирзода, ки имрӯз, 26 август қабл аз намози ҷумъа дар Масҷиди марказӣ суҳбат мекард, аз ин ҳизбу ҳаракатҳо ном набурд, аммо онҳоро “сохтаи душманони Ислом” хонд. Ӯ як маврид ба Ғарб ҳам ишора кард, ки бо доғ кардани баҳсҳои мазҳабӣ мусалмононро алайҳи ҳамдигар ҷанг меандозанд.

Ба гуфтаи раиси Шӯрои уламо бо дар миён андохтани баҳсҳои шиаву салафӣ ва монанди инҳо миёни мусалмонон низоъ бармеангезанд ва ин бадбинӣ баъзан то ҳадде мерасад, ки “бо бутпарастон даст дароз карда, дустӣ мекунанд, аммо бародари мусалмони худро чашми дидан надоранд”.

Ин бори аввал нест, ки ҷаноби Абдулқодирзода, Абдулқодирзода, бесарусомонӣ ва ҷангҳои олами Исломро ба ҳизбу гуруҳбозиҳо марбут медонад. Дар гузашта ҳам ӯ борҳо таъкид карда буд, ки “аз замоне ки ҳизбтаъсисдиҳиву фирқаву гуруҳбозиҳо сар шуд, мусалмонон ноком ва душманони Ислом барои зарба задан даст пайдо карданд. Бо дасти мусалмон мусалмон мекушанд”.

Мӯҳр

Хабарҳои монанд:

сарбоз

рост яктааш хизби нахсат, чабхатуннусра, салафия, ваххобия, тахрир, исломии узбакистон, шиа,..... хатто худи хамин мардакам меган салафист... чордах аср бо хамин бахона мегазанд пои якдигара

Ҷавоб диҳед Иқтибос Шикоят

саид

мо шунидем ки хазрати муфти бемор будаст Аллох шифо дихад .

Ҷавоб диҳед Иқтибос Шикоят

Комрон

рост мегуяд муфти лекин халки бахилаки мо то дилхох гапа аз муллохои фанатики худшон нафахманд бовар намекунанд..

Ҷавоб диҳед Иқтибос Шикоят

Эзоҳ илова кунед