25 авг 2016 13:39Тоҷикистон / Рӯ ба рӯ

Пешниҳоди Бобоназарова барои татбиқи афви бидуни коррупсия

Ойниҳол Бобоназарова, ҳуқуқшиноси маъруфти тоҷик дар пайи қабули қонуни афв, ки 12 ҳазор нафарро дар бар мегирад, пешниҳод кард, барои шаффоф ва бидуни қонуншиканиву омилҳои коррупсиёнӣ татбиқ гардидадани он, ҳукумат бояд ба раванди амалигардии қонун, ҷомеаи шаҳрвандиро ҷалб намояд.

Хонум Бобоназарова имрӯз, 25 август дар суҳбат ба “Озодагон” гуфт, то замоне ки ҷомеаи шаҳрвандӣ ҳаққи назорат карданро надошта бошад ва ба ҳайати Комиссияҳои қонуни афв шомил нашавад, амалҳои коррупсионӣ боқӣ хоҳанд монд.

Ин ҳуқуқшиноси тоҷик таъкид намуд, баъди татбиқи ҳар қонуни афв дар бораи қонуншиканиҳо зиёд мешунаванд, агар ҳукумат ин сару садоҳоро дурӯғ мешуморад, пас бояд ба ин раванд ҷомеаи маданӣ ва журналистонро ҷалб кунад: “Бубинед, ҳар сол Агентии мубориза алайҳи фасод вазоратҳои фасодзадаро эълон мекунад. Ҳол он ки онҳо сохторҳои махсус нестанд ва ҳабсхонаҳо сохтори махсус мебошанд. Дар ҳабсхонаҳо таъмини шаффофият мушкил аст. Яъне, агар вазоратҳо, ки сохтори пӯшида нестанд, ба амалҳои коррупсионӣ даст бизананд, пас кӣ гуфта метавонад, ки дар сохторҳои пӯшида ин корҳо намешавад?”

Пешниҳоди Ойниҳол Бобоназарова дар ҳолест, ки 24 август Иззатулло Шарипов, сардори Сарраёсати ислоҳи ҷазои ҷиноятӣ зимни қабули тарҳи қонуни афв дар ҳузури вакилони Маҷлиси намояндагон гуфт, барои татбиқи лоиҳа омодагии хуб дидаанд ва талош мекунанд, дар ҷараёни амалӣ шудани он қонуншиканӣ нашавад.

Мӯҳр

Хабарҳои монанд:

Левен

Хонум Бобоназарова хохед нахохед коррупция мешавад!

Ҷавоб диҳед Иқтибос Шикоят

шахри

Хонум Бобоназарова зинда бошед. Бисёр пешниходи хуб кардед. Кош ин раванд шаффофона бигзарад ва нафси саркаши кормандони ин сохтор кашида шаваду фарзандони ба дидори модарони чигархуни худ бирасанд.
Президентамонро умраш боки бошад,ки гами мардумро мехурад ва ин 15-мин конуни авф астАммо хазорон мисолро мешавад овард,ки бисёрии марпдуми пушти панчаранишаста аз шахди ин конуни башардустона бенасиб мемонанд,чунки пул надоранд,то пеши бинии кормандони ин соха партоянд. хар сол аз хисоби конуни авф пулхои хангуфт кор мекунанд кормандрони Уид ва кару кушхои бехиисоб месозанд,боре магар фикр намекунанд.ки хакки ин махбусони бечораву бенаво ва оби дидаи модарони онхо як руз не,як руз мегирад онхоро ва насибашон инамекунад.
Чароги зулми золим тго абад харгиз намесузад,
Агар сузад шабе он хам шаби дигар намесузад.
мехохам хамфкронам мавкеашонро баён доранд,натиарсанд,чои тарс нест,худо худаш бахшандаву мехрубон асту пушту панохи мо ва баъдан сарвари давлатамон.ки гамхори мардуми бечорааву асиру ниёзманда аст.

Ҷавоб диҳед Иқтибос Шикоят

Эзоҳ илова кунед