23 авг 2016 08:40Тоҷикистон / Ҷавонон ва варзиш / Рӯ ба рӯ / Тема дня

Убайдуллоев гуфт, Душанбе барои пешвози Дилшод Назаров омодагии ҳамаҷониба дидааст

Маҳмадсаид Убайдуллоев, раиси шаҳри Душанбе Дилшод Назаров, гурзандози маъруфи кишварро барои дарёфти унвони қаҳрамони бозиҳои олимпии Бразилия табрик кардааст. Ин табрикот дар дар ҷаласаи васеи шаҳрдорӣ, ки 22 август баргузор шуд, садо додааст.

Ба иттилои дафтари матбуоти шаҳрдорӣ, “Маҳмадсаид Убайдуллоев афзуд, дар доираи амалисозии сиёсати Пешвои миллат оид ба солимгардонии ҷомеа ва рушди соҳаи варзиш пайваста аз ҷониби шаҳрдорӣ бо ғамхориҳо фаро гирифтани варзишгарони шаҳр ва барои ҳавасмандсозии онҳо ба обутобу ғолибият дар сабқатњои минтақавию ҷаҳонӣ ҳанӯз аз соли 2012 таъсис додани стипендияҳои гаронарзиши Мақомоти иҷроияи маҳаллии ҳокимияти давлатӣ дар шаҳри Душанбе самараи дилхоҳ медиҳанд ва шаҳрдорӣ барои пешвозу қадргардонии арзандаи Дилшод Назаров омодагиҳои ҳамаҷониба дидааст”.

Дилшод Назаров бегоҳи ҷумъаи 26 август ба Душанбе меояд.

Дилшод Назаров дар Бозиҳои XXXI тобистонаи олимпии соли 2016 дар шаҳри Рио-де-Жанейрои Бразилия гурзро ба масофаи 78.68 метр партоб кард ва аз ҳама рақибони худ пеш гузашт.

Мӯҳр

Хабарҳои монанд:

шахрванд

Офарин ака. Шумо хастед, ки мардуми махсусан боистеъдод ва нобига камубеш дастгири доранд. Ман коил. Дилшод Назаров дар хакикат бо ин хама сазовор аст. Муборак бод бар Точикистон чунин фарзандони нируманд!

Ҷавоб диҳед Иқтибос Шикоят

Раис,

Бехтараш масъалахои дигарро бинед. Чи ягон масъалаи мухимтаре магар дар шахр нест?

Ҷавоб диҳед Иқтибос Шикоят

мусофир

дар пеш зимистон, дигар масълахорро бинед...

Ҷавоб диҳед Иқтибос Шикоят

Эзоҳ илова кунед